న్యూఢిల్లీ, జూలై 6, 
కేంద్ర ప్రభుత్వం తాజాగా కీలక నిర్ణయం తీసుకుంది. సుకన్య సమృద్ధి యోజన స్కీమ్ రూల్స్‌ను సవరించింది. కరోనా వైరస్ నేపథ్యంలో మోదీ సర్కార్ ఈ మేరకు నిర్ణయం తీసుకుంది. దీంతో ఈ పథకంలో చేరాలని యోచించే వారికి ప్రయోజనం కలుగనుంది.కేంద్ర ప్రభుత్వం సుకన్య సమృద్ధి అకౌంట్ ఓపెనింగ్ ఎలిజిబిలిటీ రూల్స్‌ను సవరించింది. సాధారణంగా సుకన్య సమృద్ధి అకౌంట్ ఓపెన్ చేయాలంటే 10 ఏళ్లలోపు వయసు ఉండాలి. అయితే ఇప్పుడు పదేళ్లు దాటినా కూడా ఈ పథకంలో చేరొచ్చు. దీనికి సంబంధించి రూల్‌ను సవరించింది.సుకన్య సమృద్ధి అకౌంట్‌ను ఆడ పిల్ల పేరుపై తెరవొచ్చు. ఒక ఇంట్లో గరిష్టంగా ఇద్దరు ఆడ పిల్లలపై ఈ ఖాతా ఓపెన్ చేయొచ్చు. అయితే కొత్త రూల్ కేవలం జూలై 31 వరకు మాత్రమే అందుబాటులో ఉంటుంది. అంటే ఇప్పుడు ఆడ పిల్లకు పదేళ్లు దాటినా కూడా జూలై 31లోపు ఈ స్కీమ్‌లో చేరొచ్చు.లాక్ డౌన్ సమయంలో సుకన్య సమృద్ధి యోజన అకౌంట్‌ను తెరవడంలో ఇబ్బందులు ఎదుర్కొంటున్న వారికి ఊరట కలుగనుంది. ఇకపోతే సుకన్య సమృద్ధి యోజన స్కీమ్‌పై 7.6 శాతం వడ్డీ లభిస్తోంది. ఇతర స్మాల్ సేవింగ్ స్కీమ్స్‌లో కెల్లా ఈ పథకంపైనే ఎక్కువ వడ్డీ వస్తోంది.