అనంతపురం జూలై6  
హిందూపురం టూటౌన్ పోలీసుస్టేషన్ రెస్ట్ రూంలో పోలీసు సిబ్బంది మద్యం సేవించిన ఘటనను జిల్లా ఎస్పీ భూసారపు సత్య ఏసుబాబు సీరియస్ గా పరిగణించారు. ఈ ఘటనకు సంబంధించి ముగ్గురు సిబ్బందిపై వేటు వేశారు. హిందూపురం టూటౌన్ హెడ్ కానిస్టేబుళ్లు తిరుమలేష్ , నూర్ మహమ్మద్ , కానిస్టేబుల్  గోపాల్ నాయక్ లను సస్పెండ్ చేస్తూ ఎస్పీ సోమవారం ఉత్తర్వులు జారీ చేశారు. ఈ ముగ్గురు కూడా హిందూపురం టూటౌన్ లో పని చేస్తున్నారు. తిరుమలేష్ , నూర్ మహమ్మద్ ల కుటుంబాలు అనంతపురంలో ఉంటున్నాయి. గోపాల్ నాయక్ అవివాహితుడు. దీంతో ఈ ముగ్గురు డ్యూటీకి వచ్చిన సదర్భాలలో టూటౌన్ పోలీసు స్టేషన్ పైభాగంలో ఉన్న రెస్ట్ రూంలో బస చేసేవారు. ఈక్రమంలో ఈ ముగ్గురు కలసి రెస్ట్ రూంలో ఉన్న సమయంలో మద్యం సేవించారు. ఈఘటనపై ప్రాథమిక విచారన జరిపించి ఈ ముగ్గుర్ని సస్పెండ్ చేశారు.