.jpg)
నల్గొండ, జూలై 9,
పీ సరిహద్దులో చెక్‌పోస్టుల దగ్గర రద్దీ కొనసాగుతోంది. ఇతర రాష్ట్రాల నుంచి వచ్చే వాహనాలతో సరిహద్దు కిక్కిరిసిపోతోంది. ముఖ్యంగా తెలంగాణ సరిహద్దులో ఉన్న చెక్‌పోస్టుల దగ్గర కిలోమీటర్ల మేర ట్రాఫిక్ జామ్ ఏర్పడుతుంది. ఏపీలోకి వెళ్లేందుకు పాసులతో వచ్చిన వాహనదారుతో పొందుగల చెక్‌పోస్టు దగ్గర పెద్ద క్యూలు కనిపిస్తున్నాయి. పాస్‌లను పరిశీలించి, స్క్రీనింగ్‌ టెస్టులు నిర్వహిస్తున్నారు. కరోనా పాజిటివ్‌ వస్తే వైద్యం కోసం పంపిస్తున్నారు. అనుమానితులను క్వారంటైన్‌కు తరలిస్తున్నారు.ఇదిలా ఉంటే గుంటూరు జిల్లా సరిహద్దులో ఉన్న పొందుగల చెక్‌పోస్ట్‌ను రూరల్ ఎస్పీ విశాల్ గున్నీ ఆకస్మిక తనిఖీ చేశారు. పొందుగల చెక్‌పోస్ట్ ఏపీకి చాలా ముఖ్యమైనదని.. చెక్‌పోస్ట్ సరిహద్దు దాటి వచ్చే వారికి ఈ పాస్ ఖచ్చితంగా ఉండాలని.. పాస్ లేకుండా అనుమతి లేదన్నారు. ప్రతి రోజు ఈ పాస్‌తో మూడు వందల నుండి నాలుగు వందల వాహనాలు సరిహద్దు దాటుతున్నాయన్నారు. కోవిడ్ ఎక్కువగా ఉన్న తెలంగాణ, మహారాష్ట్ర, తమిళనాడు, ఢిల్లీల నుంచి వచ్చేవారికి స్వాప్ టెస్ట్ పొందుగల కోవిడ్ కమాండ్ సెంటర్ వద్ద తప్పనిసరి అన్నారు.ఇతర రాష్ట్రాల నుంచి వచ్చేవారు పోలీసులకి సహకరించాలి అన్నారు ఎస్పీ. స్పందన పాస్ ఉంటే వెంటనే పంపిస్తామని.. ఉదయం ఏడు గంటల నుంచి సాయంత్రం ఏడు గంటలు వరకు మాత్రమే సరిహద్దులోకి అనుమతి ఇస్తామన్నారు. సాయంత్రం ఏడు తరువాతఏదైన మెడికల్ ఎమర్జెన్సీకి మాత్రమే అనుమతి ఉంటుందన్నారు. అక్రమ మద్యంపై చెక్‌పోస్ట్ వద్ద నిఘా ఉందన్నారు. అసాంఘిక కార్యక్రమాలు ఏవైనా జరుగుతుంటే వాట్సాప్‌కు ఫిర్యాదు చేయాలన్నారు.ఏపీలోకి వచ్చే వాహనాలు నాగార్జునసాగర్‌ వైపు వస్తే ఇబ్బందులు పడక తప్పడం లేదు. నాగార్జునసాగర్‌ వైపు నుంచి వాహనాలు అనుమతించకూడదని ఆదేశాలిచ్చారు. చాలామంది ఈ విషయం తెలియక తెలంగాణ వైపు నుంచి ఈ-పాస్‌లు ఉన్నాయని వచ్చేస్తున్నారు. సాగర్‌కు రాగానే పోలీసులు నిలిపి వేస్తున్నారు. పాసులు ఉన్నా ఎందుకు అనుమతించడం లేదని ప్రశ్నిస్తున్నారు. పోలీసులు మాత్రం తమకు అనుమతించొద్దనే ఆదేశాలున్నాయని పంపించే ప్రసక్తేలేదని తేల్చి చెబుతున్నారు. దీంతో జనాలు ఇబ్బందులు పడుతున్నారు. నిరాశతో మళ్లీ వెనుతిరుగుతున్నారు.