అనంతపురం జూలై 9, 
అనంతపురం జిల్లాలో ఘోర రోడ్డు ప్రమాదం జరిగింది. బెంగళూరు నుంచి హైదరాబాద్ వైపు వెళ్తున్న ఒక ఇన్నోవా వాహనం రాప్తాడు మండలం గొల్లపల్లి వద్ద బోల్తాపడింది. వాహనం అతివేగంగా రావడం వల్ల మలుపు వద్ద కంట్రోల్ చేయలేక ఒక్కసారిగా బోల్తా పడింది. వాహనం దాదాపు 100 మీటర్లు రోడ్డుపై తలకిందులుగా వెళ్లడంతో నుజ్జు నుజ్జుగా మాటింది. వాహనంలో ఉన్న వారు చెల్లాచెదురుగా పడిపోయారు.మృతదేహాలు సైతం రోడ్డు పక్కన ఉన్న డివైడర్ మీద పడిపోయాయి. మరో మృతదేహం పోయింది. ఈ సంఘటనలో మొత్తం ముగ్గురు చనిపోయినట్లు తెలుస్తోంది. మరొకరి పరిస్థితి విషమంగా ఉందని పోలీసులు చెబుతున్నారు. వాహనం అతివేగంగా రావడం వల్లనే ఈ ప్రమాదం జరిగినట్లు తెలుస్తోంది ఈ సంఘటనపై పోలీసులు దర్యాప్తు చేస్తున్నారు.