హైద్రాబాద్, జూలై 12,
మేడ్చల్‌లో మరో విషాదకరమైన ఘటన చోటు చేసుకుంది. గతవారంలో అక్కడ హత్యకు గురైన చిన్నారి ఘటన మరువకు ముందే మర విషాదం జరిగింది. చిన్నారి ఆద్య తండ్రి ఆత్మహత్యకు పాల్పడ్డాడు. కన్న కూతురు హత్యకు గురైన విషయం జీర్ణించుకోలేక.. గత కొన్ని రోజులుగా మానసికంగా కుంగిపోయాడు. ఇక బతకలేనంటూ ఆత్మహత్య చేసుకున్నాడు. ఆద్య తండ్రి సూరనేని కళ్యాణ్‌ రావు భువనగిరి రైల్వేస్టేషన్‌ దగ్గర రైలు కింద పడి ఆత్మహత్య చేసుకున్నాడు. కళ్యాణ్‌రావు ఆత్మకూర్‌ మండలం పంచాయతీ కార్యదర్శిగా పనిచేస్తున్నాడు. ప్రేమించి పెళ్లి చేసుకున్న అమ్మాయి ఇంత నీచానికి ఒడిగట్టడాన్ని ఆయన జీర్ణించుకోలేకపోయాడు భర్త కళ్యాణ్. అంతేకాదు కన్న బిడ్డ కూడా దూరమవ్వడంతో ఆ బాధను భరించలేక తన ప్రాణం తీసుకున్నాడు.భువనగిరి ప్రాంతానికి చెందిన కళ్యాణ్ 2011లో ఆంధ్రప్రదేశ్‌ అనంతపురానికి చెందిన అనూషను ప్రేమించి పెళ్లి చేసుకున్నాడు. వీరికి ఆరేళ్ల కూతురు ఆద్య ఉంది. ఫేస్‌బుక్ ద్వారా పరిచయమైన కళ్యాణ్, అనూష పెద్దల అంగీకారంతో ప్రేమ వివిహం చేసుకున్నట్లు తెలుస్తోంది. ఘట్‌కేసర్‌ సమీపంలోని పోచారంలో విహారీ హోమ్స్‌లో వీరు నివాసం ఉంటున్నారు. అయితే ఈ నేపథ్యంలో అనూష మరో ఇద్దరు యువకులతో వివాహేతర సంబంధం పెట్టుకుంది. కరుణాకర్ అనే యువకుడితో పాటు.. రాజశేఖర్ అనే మరో వ్యక్తితో కూడా ఆమె భర్తకు తెలియకుండా రహస్యంగా వివాహేతర సంబంధం నడిపింది. రాజశేఖర్‌తో చనువుగా ఉంటున్నవిషయం తెలుసుకున్న కరుణాకర్ అనూష ఇంటికి నేరుగా వచ్చాడు. కరుణాకర్ జులై 2న సర్జికల్ బ్లేడుతో అనూష ఇంటికి వెళ్లాడు. అప్పటికే అనూష ఇంట్లో రాజశేఖర్ ఉండటంతో వారిని బయటికి రావాలన్నాడు. అనూష రాజశేఖర్‌ను బాత్ రూంలో దాచిపెట్టింది. అయితే బయటకు రావాలంటూ బెదిరించాడు. లేకుంటే చిన్నారి ఆద్య గొంతు కోస్తానంటూ హెచ్చిరించాడు. అతడు ఎంతకీ రాకపోవడంతో చిన్నారి గొంతుకోసి చంపేశాడు. తాను కూడా చనిపోవాలని కరుణాకర్ గొంతు, చెయ్యిపై చేసుకున్నాడు. అయితే కరుణాకర్ ను పోలీసులు ఉస్మానియాలో చేర్చి చికిత్స అందించారు. తర్వాత నిందితుడు కరుణాకర్ ను అరెస్టు చేసి రిమాండ్ కు తరలించారు. కరుణాకర్ కు కోర్టు 14 రోజుల రిమాండ్ విధించింది.