హైద్రాబాద్, జూలై 15,
ది సినిమా అయినా.. ఇంటర్వ్యూ అయినా రామ్ గోపాల్ వర్మ రూటే సపరేటు. ఆయనెప్పుడు ఎప్పుడు ఎలాంటి లాజిక్‌తో కొట్టేస్తారో.. ఎలా మాట్లాడతారో.. ఏ సినిమా చేస్తారో ఎవ్వరూ ఊహించలేరు. ఉన్నట్టుండి సైలెంట్ గానే బాంబ్ పేల్చేయడం ఒక్క వర్మకే చెల్లుతుంది. ఇక తన సినిమాను ఒక్క పైసా ఖర్చులేకుండా ప్రమోట్ చేసుకోవడంలోనూ ఆయన స్ట్రాటజీయే వేరు. కేవలం సోషల్ మీడియా అనే ఓకే ఒక్క అస్త్రంతో సినిమాపై భారీ హైప్ తీసుకురావడం వర్మ స్పెషలిటీ.ఈ క్రమంలోనే తన లేటెస్ట్ మూవీ 'థిల్లర్' కోసం డిఫరెంట్ ప్రమోషన్స్ స్టార్ట్ చేశారు రామ్ గోపాల్ వర్మ. ఈ మధ్యకాలంలో వరుసపెట్టి అడల్ట్ సినిమాలు చేస్తున్న ఆయన.. లేటెస్ట్ మూవీ 'థిల్లర్'లో అంతకుమించిన మసాలా ఉంటుందని తాజా పోస్టర్స్ ద్వారా తెలిపారు. ఇప్పటికే థ్రిల్లర్ బ్యూటీ అప్సరా రాణి సెక్సీ ఫొటోలతో మత్తెక్కించిన వర్మ.. ఈ రోజు ఉదయం నుంచి వరుసపట్టి అడల్ట్స్ ఓన్లీ పోస్టర్స్ రిలీజ్ చేస్తున్నారు. అన్ని పోస్టర్లలో కూడా హీరోహీరోయిన్లను నగ్నంగా ఒంటిపై నూలు పోగు లేకుండా చూపించడంతో ఒక్కసారిగా 'థ్రిల్లర్' మూవీపై జనం దృష్టి పడింది. ఎక్కడ చూసినా ఈ పోస్టర్స్ గురించిన చర్చే మొదలైంది.రామ్ గోపాల్ వర్మ టార్గెట్ కూడా అదే కాబట్టి ఆయన తన ట్విట్టర్ ఖాతా ద్వారా మరిన్ని పోస్టర్స్ రిలీజ్ చేస్తూ ఆసక్తికర కామెంట్స్ చేస్తున్నారు. ఈ థ్రిల్లర్ సినిమాలో హీరోహీరోయిన్స్ అప్సరా రాణి, రాక్‌లు ఇద్దరూ ఒడిశాకు చెందిన వారే అని, మరికొద్ది రోజుల్లో ఒడిశా టాలెంట్ చూడబోతున్నారంటూ న్యూడ్ పోస్టర్లతో సినిమాపై భారీ హైప్ తీసుకొచ్చేశారు వర్మ. ఈ పోస్టర్లపై నెటిజన్ల నుంచి మిశ్రమ స్పందన వస్తున్నప్పటికీ.. సినిమాకు కావాల్సిన ప్రమోషన్ మాత్రం ఫుల్లుగా సమకూరుతోంది. అదీ వర్మ స్ట్రాటజీ అంటే!.చాలా రోజుల క్రితం పోర్న్ స్టార్ మియా మాల్కోవాతో 'గాడ్ సెక్స్ అండ్ ట్రూత్' సినిమా, ఆ తర్వాత ఇటీవలే అదే పోర్న్ భామతో 'క్లైమాక్స్' సినిమాలు తీసి సెన్సేషన్ క్రియేట్ చేసిన రామ్ గోపాల్ వర్మ.. ఆపై తెలుగమ్మాయి శ్రీ రాపాకతో హాట్ మూవీ 'నగ్నం' అనే మూవీతో అగ్గి రాజేశారు. ఇక ఇప్పుడు ఒడిశా బ్యూటీ అప్సరా రాణి అందాలతో థ్రిల్ చేయాలని 'థ్రిల్లర్' మూవీ చేస్తున్నారు. చూడాలి మరి ముందు ముందు వర్మ, ఇలాంటి ఇంకెన్ని అందాలను పట్టుకొస్తారో!.