తిరుమల, జూలై 16
తిరుమల శ్రీవారికి గురువారం బ్యాట‌రీ ద్విచక్రవాహనం విరాళంగా అందింది. తిరుపతికి చెందిన శ్రీ శ్రీ‌నివాస టివిఎస్ ఎజ‌న్సిస్‌ నిర్వాహకులు ఈ మేరకు దాదాపు రూ.1.4 ల‌క్ష‌ల‌ విలువైన టివిఎస్ సంస్థ‌కు చెందిన ఐక్యూ బ్యాట‌రీ‌ ద్విచక్ర వాహనాన్ని అందజేశారు.       
శ్రీవారి ఆలయం ఎదుట జరిగిన కార్యక్రమంలో దాతలు  భ‌క్త‌వ‌త్స‌ల నాయుడు,  సిద్ధార్థ‌  ఈ మేరకు ద్విచక్రవాహనం తాళాలను టిటిడి ఛైర్మ‌న్ శ్రీ వై.వి.సుబ్బారెడ్డికి అందజేశారు. ఈ కార్యక్రమంలో టిటిడి ఈవో  అనిల్‌కుమార్ సింఘాల్‌, అద‌న‌పు ఈవో  ఎ.వి.ధ‌ర్మారెడ్డి తదితరులు పాల్గొన్నారు.
 ఈ బ్యాట‌రీ ద్విచ‌క్ర వాహ‌నాన్ని తిరుమ‌ల శ్రీ‌వారి సేవ‌స‌ద‌న్ - 1 కార్యాల‌య అవ‌సారాల నిమిత్తం సిబ్బంది వినియోగించుకోనున్నారు.