హైదరాబాద్ జూలై 22  
హైదరాబాద్ నగరంలో దారుణం చోటుచేసుకుంది. మత్తు మందు ఇచ్చి ఓ మహిళతో పాటు ఆమె కూతురిపై గ్యాంగ్ రేప్కు పాల్పడ్డాడు ఓ ప్రబుద్ధుడు. ఈ సంఘటన సైబరాబాద్ కమిషనరేట్ లోని  చందానగర్ పోలీస్ స్టేషన్ పరిధిలో చోటుచేసుకుంది.  వివరాల్లోకి వెళితే.. ఓ 35 ఏళ్ల మహిళ తన కూతురు,కుమారుడితో శేరిలింగంపల్లి లోని పాపిరెడ్డి  రెడ్డి కాలనీ సంధయ్య నగర్ కాలనీలో ఓ ఇంట్లో అద్దెకు ఉంటుంది. అయితే ఇంటి యజమాని కన్ను.. ఆమెపై పడింది. దీంతో ఆమెను లోబరుచుకునేందుకు కన్నింగ్ ప్లాన్ వేశాడు. ఆ మహిళ తినే ఆహారంలో మత్తు మంది కలిపాడు. దీంతో విషయం తెలియక ఆ ఆహారాన్ని తీసుకున్న వారు మత్తులో పడిపోయారు. దీంతో సదరు ఇంటి యజమాని.. అతడి స్నేహితులతో కలిసి.. ఆ మహిళపై, ఆమె పదిహేనేళ్ల కూతురిపై అఘాయిత్యానికి పాల్పడ్డాడు. ఘటనపై కేసు నమోదు చేసుకున్న చందానగర్ పోలీసులు దర్యాప్తు చేపడుతున్నారు.