విజయవాడ జూలై 24  
ఈ నె 26 నుంచి వారం రోజులపాటు  విజయవాడలో లాక్డౌన్ అంటూ ప్రచారం జరుగుతోంది. దానిపై జిల్లా కలెక్టర్ ఇంతియాజ్ స్పందించారు. నగరంలో లాక్డౌన్ విధించే ఆలోచన లేదు. అవాస్తవాలు ప్రచారం చేయొద్దని అన్నారు. కృష్ణా జిల్లాలో కరోనా వైరస్ కేసులు విపరీతంగా పెరిగిపోతున్నాయి.  ముఖ్యంగా విజయవాడలో వైరస్ విజృంభిస్తున్న నేపథ్యంలో వారం రోజులపాటు పూర్తిస్థాయిలో లాక్డౌన్ విధించబోతున్నారంటూ సోషల్ మీడియాలో ప్రచారం ఊపందుకుంది. 26 నుంచి వారం రోజులపాటు లాక్డౌన్ అంటూ సోషల్ మీడియాలో జరుగుతున్న ప్రచారం పూర్తి అవాస్తవమని స్పష్టం చేశారు.  నగరంలో లాక్డౌన్ విధించే ఆలోచనేదీ లేదని తేల్చి చెప్పారు. కాగా, కృష్ణా జిల్లాలో కరోనా విజృంభణ కొనసాగుతూనే ఉంది.  జిల్లా వ్యాప్తంగా నిన్న 230 నిర్ధారిత కరోనా కేసులు నమోదయ్యాయి.  దీంతో మొత్తం కేసుల సంఖ్య 4,482కు చేరుకుంది.  వీరిలో ఇప్పటి వరకు 3,260 మంది కోలుకుని డిశ్చార్జ్ అయ్యారు.