అమరావతి జూలై 29 
ఆంధ్రప్రదేశ్ రాష్ట్ర రహదారులు,  భవనాల శాఖ మంత్రిగా మాలగుండ్ల శంకరనారాయణ  పదవీ స్వీకారం చేశారు. బుధవారం, అమరావతి సచివాలయంలోని ఆయన కార్యాలయంలో సతీ సమేతంగా ప్రత్యేక పూజలు నిర్వహించిన అనంతరం  మాలగుండ్ల శంకరనారాయణ గారు రాష్ట్ర రహదారులు మరియు భవనాల శాఖ మాత్యులుగా పగ్గాలు అందుకుని పలు అభివృద్ధి కార్యక్రమాలకు శ్రీకారం చుట్టారు. తూర్పు గోదావరి జిల్లాలోని యెదురులంక - జి. మూల్లపాలెం రహదారికి 10/140 కీ.మీ.లో అక్షరాల 76.90 కోట్ల రూపాయల వ్యయంతో, జ.మూల్లపాలెం వద్ద గోదావరి నది, వృధ్ధ గౌతమి బ్రాంచ్ కెనాల్ మీదుగా కొత్త వంతెన నిర్మాణ పనులకు మొదటి సంతకం చేశారు. రానున్న రెండేళ్ళలో ఈ వంతెన నిర్మాణం పూర్తి చేస్తామని మంత్రి హామీ ఇచ్చారు.