తిరుపతి,  ఆగస్టు 12, 
గోకులాష్టమి సందర్బంగా టీటీడీ ఎస్వీ గోశాలలో బుధవారం గోపూజ నిర్వహించారు. ఈఓ  అనిల్ కుమార్ సింఘాల్ తొలుత శ్రీ కృష్ణ స్వామి ఆలయంలో స్వామివారికి నిర్వహించిన పూజలో పాల్గొన్నారు.  
అనంతరం అర్చకులు ఈఓ సింఘాల్ కు పరివట్టం కట్టి సాంప్రదాయబద్దంగా గోపూజా మందిరానికి తీసుకుని వెళ్లారు. సాంప్రదాయబద్ధంగా అలంకరించిన గోవుకు ఈఓ పూలమాల వేసి, పసుపు, కుంకుమతో అలంకరించి అర్చకుల మంత్రోచ్చారణ మధ్య గోపూజ నిర్వహించారు. అనంతరం గోవులకు దాణా పెట్టారు. కోవిడ్ 19 నేపథ్యంలో చాలా పరిమిత సంఖ్యలో ఉద్యోగులు పాల్గొన్నారు. అంతకు ముందు శ్రీ వేణుగోపాల స్వామి ఆలయంలో అభిషేకం, అర్చన జరిగాయి.
ఈ కార్యక్రమంలో గోశాల డైరెక్టర్  హరనాథ రెడ్డి, ఎస్ఈ  జగదీశ్వరరెడ్డి, విజిఓ  బాలిరెడ్డి పాల్గొన్నారు.