హైద్రాబాద్, ఆగస్టు 19 
రెండో భార్య కూతురిపై కన్నేసిన కామాంధుడు ఆమె న్యూడ్ ఫోటోలు సేకరించి ల్యాప్‌టాప్‌లో దాచుకున్నాడు. అప్పుడప్పుడు వాటిని చూస్తూ పైశాచికానందం పొందుతున్నాడు.హైదరాబాద్ నగరంలోని నాచారం పోలీస్‌స్టేషన్ పరిధిలో దారుణ ఘటన వెలుగులోకి వచ్చింది. కంటికి రెప్పలా కాపాడాల్సిన తండ్రే కూతురిపై కామంతో రెచ్చిపోయాడు. కూతురి నగ్న ఫోటోలు సేకరించి వాటిని ల్యాప్‌టాప్‌లో భద్రపరుచుకున్నాడు. ఖాళీ సమయాల్లో ఆ ఫోటోలను కూడా పైశాచికానందం పొందుతున్నాడు. నాచారం ప్రాంతానికి చెందిన ఓ వ్యక్తి స్థానికంగా రెస్టారెంట్ నిర్వహిస్తున్నాడు. కొంతకాలం క్రితం మొదటి భార్య చనిపోవడంతో రెండో పెళ్లి చేసుకున్నాడు.రెండో భార్య కూతురిపై కన్నేసిన ఆ కామాంధుడు ఆమె స్నానం చేస్తున్నప్పుడు, బట్టలు మార్చుకుంటున్నప్పుడు ఎవరికీ తెలియకుండా ఫోటోలు, వీడియోలు తీశాడు. అవి ఎవరి కంటా పడకుండా తన ల్యాప్‌టాప్‌లో దాచుకున్నాడు. ఖాళీ సమయాల్లో ఆ ఫోటోలను చూస్తూ పైశాచిక ఆనందాన్ని పొందేవాడు. ఇటీవల యువతి ఏదో పని కోసం తన తండ్రి ల్యాప్‌టాప్‌ను వినియోగిస్తూ ఫోల్డర్ ఓపెన్ చేసింది. అందులో తన నగ్న ఫోటోలు, వీడియోలు చూసి షాకైంది. ఈ విషయాన్ని వెంటనే తల్లికి చెప్పడంతో ఆమె కూతురితో కలిసి నాచారం పోలీస్‌స్టేషన్‌కు వెళ్లి ఫిర్యాదు చేసింది దీంతో కేసు నమోదు చేసుకున్న పోలీసులు నిందితుడిని అరెస్ట్ చేసి కరోనా టెస్ట్ చేయించారు. అతడికి పాజిటివ్ అని తేలడంతో క్వారంటైన్‌ కేంద్రానికి తరలించారు. అతడికి కరోనా తగ్గిన వెంటనే అరెస్ట్ చేసి కోర్టులో హాజరు పరుస్తామని పోలీసులు తెలిపారు. నిందితుడిపై పోక్సో చట్టం కింద కేసు నమోదు చేసి దర్యాప్తు చేపట్టినట్లు వెల్లడించారు.