నాగార్జునసాగర్ ఆగస్టు 20, 
నాగార్జునసాగర్ జలాశయం పూర్తి స్థాయిలో నిండుతున్నందున సాగర్ డామ్ గేట్లను ఎత్తి నీటిని విడుదల చేసే అవకాశం ఉంది.  ప్రస్తుతం కొరోనా  వైరస్ వేగంగా ఒకరి నుండి ఒకరికి వ్యాప్తి చెందుతున్న పరిస్థితులలో నాగార్జునసాగర్ దాని చుట్టుపక్కల ప్రాంతాలు మరియు ఇతర ప్రాంతాల నుండి ఎవరు కూడా సాగర్ డ్యాం గేట్లు నీటి విడుదల దృశ్యాలను చూడడానికి రాకూడదని పోలీసు శాఖ, రెవెన్యూ శాఖ ,నందికొండ మున్సిపాలిటీ తీర్మానించాయి. ఇప్పుడు వాతావరణం చల్లగా ఉండి వర్షాలు కురుస్తున్న కారణంగా కరోనా వైరస్ వేగంగా ఒకరి నుండి ఒకరికి వ్యాప్తి చెందే అవకాశం ఉంది. కరోనా కట్టడి చేయడానికి సందర్శకులు ఎవరు సాగర్ రావద్దని ఎస్ఐ శీనయ్య తెలిపారు