విజయవాడ, ఆగస్టు 20, 
ప్రస్తుతం ఓ ట్విట్టర్ అకౌంట్‌ను హ్యాండిల్ చేస్తున్న విజయసాయి.. తాజాగా మరో అకౌంట్‌ను మొదలు పెట్టారు. ఈ విషయాన్ని ఆయనే స్వయంగా ప్రకటించారు. వైఎస్సార్‌సీపీ ఎంపీ విజయసాయిరెడ్డి సోషల్ మీడియాలో దూకుడు పెంచారు. 2019 ఎన్నికల ముందు నుంచి యాక్టివ్‌ అయ్యారు. రాజకీయ ప్రత్యర్థులపై ట్విట్టర్ వేదికగా విరుచుకుపడుతున్నారు. ప్రస్తుతం ఓ ట్విట్టర్ అకౌంట్‌ను హ్యాండిల్ చేస్తున్న విజయసాయి.. తాజాగా మరో అకౌంట్‌ను మొదలు పెట్టారు. కొత్త ట్విట్టర్ అకౌంట్‌‌కు రాజకీయాలతో సంబంధం ఉండదట.. ఎవరైనా ఫిర్యాదులు, వినతిపత్రాలను స్వీకరించడానికి మాత్రమే అని చెప్పుకొచ్చారు.పార్టీ పరంగా, నియోజకవర్గాల నుంచి ఎలాంటి ఫిర్యాదులు , వినతిపత్రాలను అందజేయాలనుకునే వారు ఈ ట్విట్టర్ అకౌంట్‌కు తెలియజేయవచ్చని విజయసాయిరెడ్డి క్లారిటీ ఇచ్చారు. నియోజకవర్గ స్థాయిలో ప్రజల సమస్యలు, ఇతర సమాచారాన్ని కొత్త ట్విట్టర్ ద్వారా తనకు తెలియజేయవచ్చు అన్నారు. ఆయా సమస్యలను పరిష్కరించడానికి వీలు కలుగుతుందని అన్నారు. ప్రజలకు మరింత సేవ చేసేందుకు దీనిని ప్రారంభించినట్లు చెప్పుకొచ్చారు.