విజయనగరం ఆగష్టు 25  
విజయనగరంలో కొత్త తరహా మోసం వెలుగు చూసింది.ఆర్దిక ఇబ్బందుల ముసుగులో పలువురిని మోసం చేస్తున్న వ్యక్తిని పోలీసులు అదుపులోకి తీసుకున్నారు.విజయనగరంలో జనసాంధ్రత అదికంగా ఉండే ప్రాంతాల్లో రాజేష్ అనే వ్యక్తి సంచరిస్తూ ప్రజల నుంచి తనకున్న తెలివితో మోసం చేస్తూ జీవనం సాగిస్తున్నాడు. తాను ఇతర ప్రాంతం నుంచి వచ్చానని తిరిగి వెళ్లేందుకు కనీసం తన వద్ద డబ్బులు లేవంటూ నమ్మించి మోసం చేస్తాడు. ఇదే కాకుండా డబ్బులు ఇచ్చిన వ్యక్తి వివరాలను తీసుకొని మరికొంత డబ్బులు గుంజుతూ పబ్బం గడుపుతున్నాడు.ఈ క్రమంలో అనుమానం వచ్చి ఈశ్వర రావు అనే వ్యక్తి ఇచ్చిన సమాచారంతో రంగంలోకి దిగిన పోలీసులు రాజేష్ ను అదుపులోకి తీసుకున్నారు. జల్సాలకు అలవాటు పడి పలువురిని తక్కువ మొత్తంలో మోసాలకు పాల్పడుతున్నాడని పోలీసులు తెలిపారు.