న్యూఢిల్లీ, ఆగస్టు 28
లాక్‌డౌన్ సమయంలో ఉద్యోగులు, అధికారులు సమావేశాలు నిర్వహించుకోవడానికి జూమ్ లాంటి యాప్‌లను ఉపయోగిస్తోన్న సంగతి తెలిసిందే. చాలా స్కూళ్లు కూడా ఈ యాప్‌ల ద్వారానే విద్యార్థులకు పాఠాలు బోధిస్తున్నాయి. ఇంట్లో కూర్చోని ఆఫీసు పనులు చక్కబెట్టుకోవడానికి ఆన్‌లైన్ యాప్‌లు ఎంతో ఉపయోగపడుతున్నాయి. మనం వేసుకున్న డ్రెస్ బాగోలేదనుకున్నా.. ఇతర కారణాలేవైనా ఉంటే.. సింపుల్‌గా కెమెరా ఆఫ్ చేసుకుంటే చాలు.. మీటింగ్‌లో పాల్గొంటున్న వారికి మనం కనిపించం. మన మాటలు వినిపించకుండా మ్యూట్‌లో కూడా పెట్టుకోవచ్చు.దీంతో చాలా మంది ఆన్‌లైన్ మీటింగ్‌ల్లో పాల్గొంటున్నప్పటికీ.. అదే సమయంలో తమ వ్యక్తిగత పనులను చక్కబెట్టుకుంటున్నారు. కానీ ఆ సమయంలో కెమెరా సరిగా ఆఫ్ చేయకపోయినా.. పొరబాటున మన మాటలు అవతలి వాళ్లకు వినిపించినా ఇబ్బందులు తప్పవు. ఫిలిప్ఫిన్స్‌కు చెందిన ఓ ఉద్యోగి కూడా ఇలాగే.. కెమెరా ఆపేశాననుకొని సరస సల్లాపాలు మునిగి తేలాడు. చివరి ఉద్యోగం కోల్పోయాడు.ఫతిమా డాస్ విలేజ్ కౌన్సిల్‌లో పని చేస్తున్న కెప్టెన్ జీసస్ ఎస్టిల్ అనే ఉద్యోగి.. జూమ్ మీటింగ్‌లోకి లాగిన్ అయ్యాడు. తర్వాత కెమెరా సరిగా ఆఫ్ చేయకుండా.. గదిలో ఓ మూలకు వెళ్లి తన సెక్రటరీతో సెక్స్ చేయడం మొదలుపెట్టాడు.కెమెరా ఆన్‌లో లేదనుకొని.. మీటింగ్ కొనసాగుతుండగానే.. ఎస్టిల్ తన సెకట్రరీతో శృంగారాన్ని కొనసాగించాడు. ‘పని’ అయిపోన తర్వాత తాపీగా కాల్‌లో చేరాడు. అతడు సెక్స్‌లో పాల్గొంటున్న దృశ్యాలను మీటింగ్‌లో పాల్గొన్న ఇతర సిబ్బంది రికార్డ్ చేశారు. ఆ దృశ్యాలు వైరల్ కావడంతో.. అతణ్ని ఉద్యోగం నుంచి తొలగించాలని గ్రామస్థులు పిటిషన్ దాఖలు చేశారు.తాము చేసిన తప్పును మన్నించాలని ఆ జంట ప్రభుత్వాన్ని కోరింది. కానీ ఈ ఘటనను సీరియస్‌గా తీసుకున్న ప్రభుత్వం ఎస్టిల్‌ను ఉద్యోగం నుంచి తొలగించింది.ఇలాంటి ఘటనే గతంలో బ్రెజిల్‌లోనూ చోటు చేసుకుంది. రియో డి జెనీరో సిటీ కౌన్సిల్ జూమ్ మీటింగ్ సందర్భంగా ఓ జంట సెక్స్ చేస్తూ దొరికిపోయింది. ఆ సమావేశానికి హాజరైన నేతలంతా స్కూల్ పిల్లలకు మధ్యాహ్న భోజనం గురించి మాట్లాడుతుంటే.. వీళ్లు మాత్రం శృంగారం పాల్గొంటూ కనిపించారు.