చిత్తూరు ఆగష్టు 29  
తిరుమల తిరుపతి దేవస్థానం వారు శ్రీవారి సేవకు వినియోగించే తేనె చిత్తూరు జిల్లాలోని మహిళలు తయారుచేసే ఉత్పత్తులలో ఒకటి గా ఉండడం ఆనందంగా ఉందని అదేవిధంగా శ్రీవారికి ఐదో విడత తేనెను పంపడం జరుగుతోందని నేడు జిల్లా కలెక్టర్ డాక్టర్ నారాయణ భరత్ గుప్తా గారి చేతుల మీదుగా పంపుతున్నట్లు డిఆర్డిఎ ఇన్చార్జి పిడి మురళి అన్నారు. ఇటీవల కాలంలో డ్వాక్రా మహిళలు సేకరించే తేనెను డి ఆర్ డి ఎ వారు సమీకరించి ప్రాసెసింగ్ చేసి అరణ్య బ్రాండ్ పేరు మీద అమ్మకాలు సాగిస్తున్నారు. ఈ బ్రాండ్ తేనె టిటిడి వారు పరీక్షించి తమకు కూడా ఈ బ్రాండ్ మీద ఉన్న తేనెను పంపాలని చిత్తూరు డిఆర్డిఏ వారికి ఉత్తరం రాశారు. ఈ మేరకు డిఆర్డిఏ వారు గతంలో నాలుగు సార్లు తేనెను సరఫరా చేశారు. మొదటి విడతలో 1400 లీటర్లు, రెండవ విడతలో 1500 లీటర్లు, మూడవ విడతలో 1600 లీటర్లు, నాలుగో విడత లో 800 లీటర్లు, ప్రస్తుతం 800 లీటర్లు తేనెను పంపుతున్నారు. ఈ సందర్భంగా ఈరోజు పంపుతున్న వాహనాన్ని కలెక్టర్ నారాయణ భరత్ గుప్తా చేతులమీదుగా పంపారు. ఈ కార్యక్రమంలో కలెక్టర్ డాక్టర్ నారాయణ భరత్ గుప్తా  తో పాటు అదనపు జాయింట్ కలెక్టర్ చంద్రమౌళి, డిఆర్డిఏ పిడి మురళి, డి ఆర్ డి ఏ డి పి ఎం ధనంజయ రెడ్డి  తదితరులు పాల్గొన్నారు.