.jpg)
హైద్రాబాద్, ఆగస్టు 31,
క్రియేటివ్ డైరెక్టర్ సుకుమార్ స్కెచ్చేశారంటే అది ఎలా వర్కవుట్ చేస్తారో ఎలాంటి అవుట్‌పుట్ ఇచ్చి ఆకట్టుకుంటారో ప్రత్యేకంగా చెప్పాలా. ఇప్పుడు తన లేటెస్ట్ సినిమా పుష్ప కోసం కోసం కూడా కొత్త కొత్త ప్లాన్స్ చేస్తూ ఒక్కొక్కటిగా ఆ ఫార్ములా అమలులోకి తెస్తున్నారు సుకుమార్. కథ మొదలుకొని నటీనటుల ఎంపిక, తెరకెక్కించే విధానం అన్నింటా విలక్షణత చూపిస్తూ క్రియేటివ్ ఆలోచనలు చేసే ఆయన 'పుష్ప'లో ఓ స్పెషల్ రోల్ కోసం మరోసారి సీనియర్ నటుడు జగపతిబాబును రంగంలోకి దించుతున్నారట.కథను మలుపుతిప్పే విలన్ క్యారెక్టర్ ఉందట. ఈ క్యారెక్టర్ సినిమాకే పెద్ద అసెట్ కానుందని టాక్. అయితే ఈ రోల్ కోసం ముందుగా ఓ బాలీవుడ్ సీనియర్ నటుడిని ఎంపిక చేసుకున్నారట సుక్కు. కానీ ఇంతలో లాక్‌డౌన్ రావడం, ఆ నటుడికి డేట్స్ అడ్జస్ట్ కాకపోవడంతో వెంటనే జగపతిబాబును లైన్ లోకి తీసుకొచ్చారని సమాచారం. గతంలో ఆయన రూపొందించిన ''నాన్నకు ప్రేమతో, రంగస్థలం'' జగపతిబాబు పోషించిన రోల్స్ అద్భుతం అనే చెప్పాలి. సో.. ఇప్పుడు అదే ఫార్ములా ‘పుష్ప’లో కూడా అప్లై చేసి వర్కవుట్ చేయబోతున్నారట సుకుమార్. త్వరలోనే దీనిపై చిత్రయూనిట్ నుంచి అధికారిక సమాచారం రానుందని ఫిలిం నగర్ టాక్.గంధపు చెక్కల స్మగ్లింగ్ నేపథ్యంలో తెరకెక్కుతున్న పుష్ప మూవీని మైత్రీ మూవీ మేకర్స్‌ పతాకంపై నవీన్ యెర్నేని, రవిశంకర్ నిర్మిస్తున్నారు. అల్లు అర్జున్, రష్మిక మందన హీరోహీరోయిన్లుగా నటిస్తున్నారు. ఇప్పటికే విడుదలైన ఈ మూవీ ఫస్ట్‌లుక్ పోస్టర్ సినిమాపై భారీ అంచనాలు క్రియేట్ చేసింది. లారీ డ్రైవర్ పుష్పరాజ్ రోల్‌లో బన్నీ నటిస్తుండగా, పల్లెటూరు పిల్లలా డిఫెరెంట్ క్యారెక్టర్ పోషిస్తోంది రష్మిక. అల్లు అర్జున్ కెరీర్‌లో మొట్టమొదటి ప్యాన్ ఇండియా మూవీగా ఈ సినిమా ప్రేక్షకుల ముందుకు రానుంది.