విజయవాడ, సెప్టెబర్ 1
మందుబాబులకు లిక్కర్ కష్టాలు తప్పడం లేదు. అందుకే కొత్త ఎత్తులతో పొరుగు రాష్ట్రాల నుంచి గుట్టు చప్పుడు కాకుండా మందు బాటిళ్లు తెస్తున్నారు. సరిహద్దుల్లో  పోలీసుల కళ్లుగప్పి వచ్చేందుకు ప్రయత్నించి కొందరు అడ్డంగా దొరికిపోతున్నారు.ఏపీలో మద్యం ధరలు పెరిగిపోయాయి. మద్యపాన నిషేధం దిశగా అడుగులు వేస్తున్న  ప్రభుత్వం.. ధరలు పెంచడంతో పాటూ షాపుల సంఖ్యను తగ్గిస్తోంది. దీంతో మందుబాబులకు లిక్కర్ కష్టాలు తప్పడం లేదు. అందుకే కొత్త ఎత్తులతో పొరుగు రాష్ట్రాల నుంచి  గుట్టు చప్పుడు కాకుండా మందు బాటిళ్లు తెస్తున్నారు. సరిహద్దుల్లో పోలీసుల కళ్లుగప్పి వచ్చేందుకు ప్రయత్నించి కొందరు అడ్డంగా దొరికిపోతున్నారు. ఈ లిక్కర్ స్మగ్లింగ్  గ్యాంగ్ లీలలు చూసి కొత్తగా ఏర్పాటైన ఎస్‌ఈబీ అధికారులకు మతి పోతోంది. తాజాగా కృష్ణా జిల్లాలో కూడా అదేజరిగింది.చాట్రాయి మండలం పోలవరం దగ్గర సరిహద్దులో  భారీగా మద్యం పట్టుబడింది. వాహనాల్లో మద్యం బాటిళ్లు తరలిస్తే పోలీసులకు ఇట్టే దొరికిపోతున్నారు. అందుకే కేటుగాళ్లు రూటు మార్చారు. కొత్త మార్గాలను  ఎంచుకుంటున్నారు. ఓ ఇద్దరు తెలంగాణ అశ్వారావుపేట నుంచి మద్యం తెస్తూ దొరికిపోయారు. తనిఖీలు చేసినా దొరక్కుండా ఒంటికి స్టికర్లు అంటించుకుని మద్యం బాటిళ్లను  సరిహద్దు దాటించే ప్రయత్నం చేశారు. నిఘా పెట్టిన పోలీసులు అనుమానం వచ్చి తనిఖీలు చేశారు. ఇద్దరు ఒంటికి చుట్టూ స్టిక్కర్లు అంటించుకుని 105 మద్యం బాటిళ్లు  తెచ్చుకున్నారు. ఈ ఇద్దరి ఎత్తులు చూసి పోలీసులకు దిమ్మ తిరిగింది. ఇద్దర్ని అరెస్ట్ చేసిన పోలీసులు బైక్ సీజ్ చేశారు.