విజయవాడ సెప్టెంబర్ 5, 
అక్టోబర్ 17 నుంచి ఇంద్రకీలాద్రి పై శ్రీ శార్వరి నామ సంవత్సర దసరా మహోత్సవాలు జరగనున్నాయి. తొమ్మిది  రోజుల పాటు పది అలంకారాలలో దుర్గమ్మ దర్శనమివ్వనున్నారు. అక్టోబర్ 17 వ తేదీన తొలిరోజు శ్రీ స్వర్ణకవచాలంకృత దుర్గాదేవి,  18 న శ్రీ బాలా త్రిపుర సుందరీ దేవి, 19న శ్రీ గాయత్రీ దేవి, 20 న శ్రీ అన్నపూర్ణాదేవి, 21 మూలానక్షత్రం రోజున శ్రీ సరస్వతీ దేవిగా  దుర్గమ్మల దర్శనమివ్వనున్నారు.
 22 న శ్రీ లలితా త్రిపుర సుందరీ దేవి, 23 న శ్రీ మహాలక్ష్మీ దేవి, 24న శ్రీ దుర్గాదేవి, శ్రీ మహిషా సుర మర్ధనీ దేవిగా రెండు అలంకారాలలో దర్శనమిప్తారు.
25 న శ్రీ రాజరాజేశ్వరి దేవి అలంకారం,  అదే రోజు సాయంత్రం కృష్ణానదిలో శ్రీ దుర్గామల్లేశ్వరస్వామి వార్ల తెప్పోత్సవం జరరనుంది. కోవిడ్ దృష్ట్యా టైం స్లాట్ బుక్ చేసుకున్న వారికి మాత్రమే దసరా లో అమ్మవారి దర్శనానికి అనుమతించే అవకాశం వుంది. రోజుకు 9 వేలా లేక సంఖ్య పెంచాలా అన్న దానిపై అధికారులు ఇంకా నిర్ణయానికి రాలేదు. గత ఏడాది దసరాలో రోజుకు లక్షపైనే భక్తులు అమ్మవారి దర్శనం చేసుకున్నారు. ఈ ఏడాది కోవిడ్ దృష్ట్యా ఆంక్షలను మరింత కఠినతరం చేయనున్నారు.