నెల్లూరు అక్టోబర్ 25
 నెల్లూరు నగరంలోని మినీ బైపాస్, అన్నమయ్య సర్కిల్ వద్ద ఉన్న శ్రీధర్ కృష్ణ టవర్స్ లో శుక్రవారం  సివిల్ సర్వీసెస్, ఐఏఎస్ అకాడమీ ని ప్రారంభించారు. అకాడమీ ప్రారంభోత్సవ కార్యక్రమానికి డాక్టర్ శ్రీకరణి రెడ్డి పాల్గొన్నారు. ఈ సందర్భంగా ఆయన  మాట్లాడుతూ సివిల్ సర్వీసెస్ మరియు ఐఏఎస్ చదువుకోవాలనే తలంపు ఉన్న సింహపురి విద్యార్థినీ విద్యార్థులకు  అందుబాటులోకి, తన మిత్రులు, తన తోటి సహచర విద్యార్థులు శ్రీ ఐర ఐఏఎస్ అకాడమీ ని ప్రారంభించడం అభినందనీయమన్నారు. ఈ సందర్భంగా అకాడమీ డైరెక్టర్లు ఆర్ ప్రవీణ్ కుమార్ ,  జి ప్రణయ్ కుమార్ లను అభినందించారు. సివిల్ సర్వీస్ తో పాటు ఐఏఎస్ స్టడీ నందు ఉత్తమ శిక్షణ ఇవ్వగల శ్రావణ్ కుమార్ మరియు ప్రణయ్ కుమార్ ల సంయుక్త కలయికతో అకాడమీ మరింత ముందుకు వెళ్లే అవకాశం ఉందన్నారు. ఐఏఎస్ చదవాలనే తపన కలిగిన సామాన్య విద్యార్థులకు ఈ అకాడమీ ఓ వరం కానుందన్నారు. ఈ నెల 26 నుండి డెమో క్లాసు లో  జరుగుతాయని తెలియజేశారు.