బిజెపి, టీడీపీల మధ్య సంబంధాలు బెడిసికొట్టిన తర్వాతే ఏపీలో జరిగిన ‘కుంభకోణాల వ్యవహారాల’ గుట్టు రట్టు చేసేందుకు ఢిల్లీ ఫోకస్ పెట్టింది. ముఖ్యంగా ఇందులో భాగంగా మెగా మెగా, బడా  కాంట్రాక్టర్లను ఢిల్లీకి పిలిపించి కీలక సమాచారం సేకరించినట్లు విశ్వసనీయ వర్గాలు తెలిపాయి.  ఏ ప్రాజెక్టులో ఎవరికి ఎంత సమర్పించింది..అందులో జరిగిన కుంభకోణాల సమాచారం మొత్తం పూసగుచ్చినట్లు కొంత మంది కాంట్రాక్టర్లు ఢిల్లీకి నివేదించినట్లు సమాచారం. అంటే ఏ క్షణంలో అయినా రంగంలోకి దిగిందుకు అవసరమైన ‘వివరాలు’ సేకరించి పెట్టుకున్నట్లు సమాచారం. ఎందుకంటే ఏపీలో అత్యధిక కుంభకోణాలు..దోపిడీలు జరిగింది సాగునీటి శాఖలోనే కావటంతో…కీలక కాంట్రాక్టులకు సంబంధించిన డాటా మొత్తం సేకరించి పెట్టుకున్నట్లు ఈ వ్యవహారంతో సంబంధం ఉన్న వర్గాలు తెలిపాయి.పోలవరం ప్రాజెక్టులో భారీ కుంభకోణం జరగటంతోపాటు..భూ సేకరణ విషయంలోనూ వేల కోట్ల రూపాయల స్కామ్ జరిగినట్లు సమాచారం. దీనికి సంబంధించి ఓ ఐఏఎస్ నుంచి కూడా ఢిల్లీ పెద్దలు సమగ్ర సమాచారం సేకరించారు. ప్రస్తుతం అంతా ప్రశాంతంగా ఉన్నట్లు పైకి కన్పిస్తున్నా..అసలు కథ త్వరలోనే ప్రారంభం కాబోతుందని చెబుతున్నారు. అయితే ఇది ఎప్పుడు…ఎలా అన్నదే తేలాల్సి ఉందని ఓ అధికారి వ్యాఖ్యానించారు. ఓ వైపు ప్రభుత్వంపై తీవ్రమైన అవినీతి ఆరోపణలు వెల్లువెత్తుతున్నా కూడా చంద్రబాబు సర్కారు ఏ మాత్రం వెనకంజ వేయటం లేదు. తాజాగా జరిగిన మంత్రివర్గ సమావేశంలోనూ కాంట్రాక్టర్లకు దోచిపెట్టి…తాము దోచుకునే విధంగా పెద్దలు స్కీమ్ లు అమలు చేశారనే విమర్శలు విన్పిస్తున్నాయి. ఓ వైపు నిప్పు నిప్పు అని చెప్పుకుంటూ…చంద్రబాబు ఇంకా తన ‘స్కీమ్’లు అమలు చేస్తూనే ఉన్నారనే అధికార వర్గాలు వ్యాఖ్యానిస్తున్నాయి.