దర్శకేంద్రుడు రాఘవేంద్రరావు చాలా గ్యాప్ తర్వాత పెళ్లిసందడి అనే సినిమా చేస్తున్న విషయం తెలిసిందే. ఈ చిత్రంలో శ్రీకాంత్ తనయుడు రోషన్ హీరోగా నటిస్తున్నాడు. ఈ సినిమాని ఎనౌన్స్ చేసినప్పటి నుంచి మంచి క్రేజ్ ఏర్పడింది. హీరో శ్రీకాంత్ కి పెళ్లిసందడి బాగా కలిసొచ్చింది. ఇప్పుడు రోషన్ కి పెళ్లిసందడి కలిసొస్తుందా..? అసలు ఈ పెళ్లిసందడిలో ఏం చెప్పనున్నారు..? ఎన్ని
పాటలు ఉంటాయి..? నాటి పెళ్లిసందడి పాటలను ఇప్పటికీ ఆదరిస్తుంటారు. అంతలా ఆ పాటలు ఉంటాయి.ఇలా అనేక ప్రశ్నలు.. సినిమా పై ఆసక్తిని కలిగిస్తున్నాయి. అయితే... వీటన్నింటి కంటే...

నేటి పెళ్లిసందడి టైటిల్ లో డి ఇంగ్లీషులో పెట్టారు. అలా ఎందుకు పెట్టారు అంటే.. ఓ ప్రత్యేకమైన కారణం ఉందంటున్నారు. టైటిల్ లో డి అనే ఆంగ్ల అక్ష‌రం స‌ర‌దాగానో, ట్రెండీగానో పెట్టింది కాద‌ట‌. ఆడికి… సినిమాలో చాలా ప్రాధాన్యత ఉంద‌ని టాక్‌. ఈ విషయం బయటకు వచ్చినప్పటి నుంచి మరింత ఆసక్తి ఏర్పడింది. ఇక కథానాయికల విషయానికి వస్తే... రాఘవేంద్రరావు సినిమా అంటే..
హీరోయిన్ కి చాలా ఇంపార్టెన్స్ ఉంటుంది.ఈ సినిమాలో ఇద్ద‌రు హీరోయిన్లు ఉంటార‌ని తెలిసింది. అందులో ఓ క‌థానాయిక‌గా కొత్త‌మ్మాయి కాగా... మ‌రో పాత్ర‌లో స్టార్ హీరోయిన్ క‌నిపిస్తుంద‌ని టాక్‌.

ఆ హీరోయిన్ ఎవ‌రనేది ప్రస్తుతానికి సస్పెన్స్. ఎవరు అనేది తెలియాలంటే కొన్ని రోజులు ఆగాలి. స్వరవాణి కీరవాణి సంగీత దర్శకత్వంలో పాటల రికార్డింగ్ జరుగుతుంది.త్వరలోనే షూటింగ్ స్టార్ట్ చేయడానికి ఏర్పాట్లు చేస్తున్నారు మరి.. ఈ పెళ్లిసందడి ఎంత వరకు ఆకట్టుకుంటుందో..? శ్రీకాంత్ తనయుడు రోషన్ కి ఎలాంటి విజయాన్ని అందిస్తుందో చూడాలి