యంగ్ రెబల్ స్టార్ ప్రభాస్ ఇటలీలో తెగ ఎంజాయ్ చేస్తున్నాడు. అది కూడా ఒంటరిగా. డార్లింగ్ ప్రభాస్ నటిస్తున్న తాజా సినిమా రాధే శ్యామ్. ఈ చిత్రంలో ప్రభాస్ కి జోడీగా టాలీవుడ్ స్టార్ హీరోయిన్ పూజా హెగ్డే నటిస్తోంది.. జిల్ రాధాకృష్ణ ఈ చిత్రానికి దర్శకత్వం వహిస్తున్నారు. ప్రస్తుతం ఇటలీ షెడ్యూల్ ను పూర్తి చేసి హైదరాబాద్ కి బయలు దేరే హడావుడిలో ఉన్నారట ప్రభాస్.

ఇటలీలో బిజీ షెడ్యూల్ తర్వాత ప్రభాస్ విశ్రాంతి తీసుకుంటున్నారు. ఇదిగో వీలు చిక్కినప్పుడల్లా అలా షికార్ కి వెళుతున్నారు ప్రభాస్. టురిన్ నగర వీధుల్లో స్వేచ్ఛగా తిరుగేస్తున్నప్పుడు ఓ అభిమానితో ఇలా ఫోజిచ్చారు ప్రభాస్. ఈ ఫోటోలో డార్లింగ్ జాగింగ్ ట్రాక్ లో కనిపిస్తున్నారు. పైన ఖరీదైన జాకెట్ ధరించారు. పైగా మాస్క్ ధరించి థంబ్స్ అప్ ఫోజ్ ని ఇచ్చారు ఇలా . తన విరామ సమయాన్ని పూర్తిగా ఆస్వాధిస్తున్నారనడానికి ఈ ఫోటోనే సాక్ష్యం. వచ్చే వారం ప్రభాస్ హైదరాబాద్ కి తిరిగి వస్తారని తెలుస్తోంది. రాను రాను ప్రభాస్ కి ఫాలోయింగ్ ఎక్కువైపోతోంది. అందరూ మెచ్చే హీరో అయిపోతున్నాడు డార్లింగ్. కాగా ఆల్రెడీ పూజా హైదరాబాద్ తిరిగి వచ్చేసింది. రీసెంట్ గా ట్వీట్ కూడా చేసింది. హైదరాబాద్ లో కలుద్దాం ప్రభాస్ అని.

రాధే శ్యామ్ పెండింగ్ చిత్రీకరణను హైదరాబాద్ లో తిరిగి ప్రారంభిస్తారట. ఇప్పటికే చిత్రీకరణ కోసం నగరంలో భారీ సెట్లు రెడీ అవుతున్నాయి. ఈ షెడ్యూల్ సుదీర్ఘమైనది. భారీగా క్రేజీ సన్నివేశాల షూటింగ్ జరుగుతుంది.

‘రాధే శ్యామ్’లో రిద్ధి కుమార్.. భాగ్యశ్రీ ఇతర ప్రధాన పాత్రల్లో నటిస్తున్న సంగతి తెలిసిందే.ఈ లాక్ డౌన్ సమయంలో పలువురు బ్యాచిలర్స్ అంతా పెళ్ళి పీటలెక్కారు..నిఖిల్..నితిన్..రానా..రీసెంట్ గా కాజల్ అగర్వాల్ కూడా ఓ ఇంటికోడలయింది. వీరితో పాటు ప్రముఖ నిర్మాత దిల్ రాజు కూడా రెండో వివాహం చేసుకుని వార్తల్లో నిలిచారు. ఇంత జరుగుతున్నా తన పెళ్ళి మాటే ఎత్తడు ఈ బాహుబలి. ప్రభాస్ ఫ్యాన్స్ మాత్రం ఆయన పెళ్లి వార్త ఎప్పుడు చెబుతాడో అని ఎదురు చూస్తున్నారు.