ప్రముఖ సినీ నటుడు  చిరంజీవి కోవిడ్ నుండి త్వరలోనే కోలుకోవాలని భగవంతుడిని ప్రార్థిస్తున్నట్టు ఆంధ్రప్రదేశ్ చలనచిత్ర, టీవీ, నాటకాభివృద్ధి సంస్థ చైర్మన్ విజయ్ చందర్ తెలిపారు. లక్షణాలు లేకపోయినా ఒక బాధ్యతాయుతమైన వ్యక్తిగా కరోన పరీక్షలు చేయించుకుని అందరికి ఆదర్శంగా నిలిచిన శ్రీ చిరంజీవి, త్వరలోనే కోలుకుని కొత్త ఉత్సాహంతో అభిమానులను అలరిస్తారని విజయ్ చందర్ ఆశాభావం వ్యక్తం చేశారు. చిరంజీవి ఇపుడు కరోన యోధుడని, విజయంతో తిరిగి వస్తారని విజయ్ చందర్ అన్నారు.
సినీ రంగంలో తనకంటూ ఒక స్థానాన్ని పదిలపరుచుకున్న  చిరంజీవి నటించబోయే కొత్త సినిమా కోసం వెయికళ్ళతో అభిమానులంతా ఎదురుచూస్తున్నారని విజయ్ చందర్ అన్నారు. సినీ, రాజకీయ రంగాల్లో ఒక కొత్త ఒరవడి సృష్టించిన  చిరంజీవి ఎప్పటికీ జనహృదయాల్లో 'చిరంజీవి'యే అని  విజయ్ చందర్ కొనియాడారు.