తెలుగుదేశం పార్టీ రాష్ట్ర స్థాయి కమిటీ కార్యదర్శిగా ఎన్నికైన మాజీ జిల్లా పరిషత్ చైర్మన్ సీనియర్ టిడిపి నాయకులు బత్తిన వెంకట రాముడు ను తుగ్గలి మండల టిడిపి నాయకులు ఘనంగా సన్మానించారు. మంగళవారం రోజున మండల టిడిపి నాయకులు బత్తిన స్వగ్రామమైన రామలింగాయ పల్లె గ్రామానికి వెళ్లి పూలమాలలు వేసి ఘనంగా సన్మానించారు.ఈ సందర్భంగా వారు మాట్లాడుతూ తెలుగుదేశం పార్టీతోనే అన్ని కులాల వారికి అభివృద్ధి జరిగిందని తెలియజేశారు.బీసీల అభివృద్ధి కొరకు తెలుగుదేశం పార్టీ ఎంతో కృషి చేసిందని వారు తెలియజేశారు.తుగ్గలి మండల సీనియర్ టిడిపి నాయకులైన బత్తిన వెంకట రాముడు ను తెలుగుదేశం పార్టీ రాష్ట్ర స్థాయి కమిటీ కార్యదర్శిగా ఎన్నుకోవడం పట్ల చాలా సంతోషకరంగా ఉందని వారు తెలియజేశారు. ఈ కార్యక్రమంలో మాజీ ఎంపిపి కొమ్ము వెంకటేష్,టిడిపి నాయకులు వెంకటస్వామి, వెంకట రెడ్డి,రామలింగయ్య, లక్ష్మీ నారాయణ తదితరులు పాల్గొన్నారు.