రెడ్డి వర్సెస్ పవన్ ఎపిసోడ్‌లో పెద్ద బాంబ్ పేల్చారు సంచలన దర్శకుడు రాంగోపాల్ వర్మ. పవన్‌ను ఆమె విమర్శించడం వెనుక ఉన్నది తానేనని ఒప్పుకున్నారు. దీనికి సంబంధించి ఆయన ఓ వీడియోను కూడా విడుదల చేశారు. తన ప్రోద్బలంతోనే శ్రీరెడ్డి పవన్ కళ్యాణ్‌ని టార్గెట్ చేసిందని... దీనికి పూర్తి బాధ్యత తనదేనన్నారు. పెద్దవాళ్లను విమర్శిస్తేనే... అందరి దృష్టి పడుతుందని... కత్తి మహేష్ కూడా పవన్‌ను టార్గెట్ చేసి పాపులర్ అయ్యాడని చెప్పుకొచ్చారు. శ్రీరెడ్డి ఉద్యమంలో నిజాయితీ ఉందని... దానికి సహకరించేందుకే ఇలా చేయాల్సి వచ్చిందని క్లారిటీ ఇచ్చారు. తన వల్ల పవన్‌కాని, అభిమానులు కాని బాధపడితే క్షమాపణలు చెబుతున్నాన్నారు వర్మ. అలాగే శ్రీరెడ్డికి కూడా సారీ చెప్పారు.ఈ వీడియోలో మరికొన్ని ఆసక్తికర వ్యాఖ్యలు చేశారు వర్మ. దగ్గుబాటి సురేష్ కుటుంబంతో వివాదాన్ని సెటిల్ చేసేందుకు తాను ముందుకొచ్చినట్లు చెప్పుకొచ్చారు. రూ. 5కోట్ల వరకు వచ్చేలా చూస్తానని శ్రీరెడ్డికి చెప్పానని... ఆమె మాత్రం ఆ ఆఫర్‌ను తిరస్కరించిందన్నారు. డబ్బు తీసుకుంటే... తాను చేస్తున్న పోరాటానికి అర్థం ఉండదని చెప్పిందన్నారు వర్మ. అయితే ఈ విషయాలు సురేష్‌ బాబుకు కూడా తెలియదన్నారు. మరి వర్మ చేసిన ఈ వ్యాఖ్యలపై పవన్ ఫ్యాన్స్ ఎలా స్పందిస్తారన్నది ఇప్పుడు ఆసక్తిగా మారింది.