'దియా' ఫేమ్ దీక్షిత్ శెట్టి 'ది రోజ్ విల్లా' అనే క్రైమ్ థ్రిల్ల‌ర్‌తో టాలీవుడ్‌లో అడుగు పెడుతున్నారు. ఈ చిత్రంలో సీనియ‌ర్ యాక్ట‌ర్ రాజా ర‌వీంద్ర, అర్చ‌నా కుమార్‌, శ్వేతా వ‌ర్మ కీల‌క పాత్ర‌లు పోషిస్తున్నారు. నూత‌న ద‌ర్శ‌కుడు హేమంత్ ఈ చిత్రానికి ద‌ర్శ‌క‌త్వం వ‌హిస్తూ, ర‌చ‌న కూడా చేస్తున్నారు. చిత్ర‌మందిర్ స్టూడియో, ఏయు అండ్ ఐ స్టూడియోస్ బ్యాన‌ర్ల‌పై పి. అచ్యుత్ రామారావు (వెన్నెల రామారావు), ఎ. ప‌ద్మ‌నాభ‌రెడ్డి సంయుక్తంగా నిర్మిస్తున్నారు.  గురువారం హీరో శ్రీ‌విష్ణు ఈ సినిమా ఫ‌స్ట్ లుక్ పోస్ట‌ర్‌ను రిలీజ్ చేసి, సినిమా మంచి స‌క్సెస్ సాధించాల‌నే ఆశాభావం వ్య‌క్తం చేశారు. ఈ పోస్ట‌ర్‌లో చిత్రంలోని ప్ర‌ధాన పాత్ర‌ధారులంద‌రి లుక్‌ను రివీల్ చేశారు. పాత్ర‌ధారుల హావ‌భావాలు చూస్తుంటే ఈ క్రైమ్ థ్రిల్ల‌ర్‌లో ఉత్కంఠ‌భ‌రిత స‌న్నివేశాల‌కు లోటు ఉండ‌ద‌ని అర్థ‌మ‌వుతోంది. ఇదివ‌ర‌కు రిలీజ్ చేసిన ప్రి లుక్ పోస్ట‌ర్‌కు మంచి స్పంద‌న ల‌భించింది. ఒక పాత విల్లా చుట్టూ క‌థ న‌డుస్తుంద‌ని ఆ పోస్ట‌ర్ మ‌న‌కు తెలియ‌జేసింది.  ఆద్యంతం థ్రిల్ క‌లిగిస్తూ, కుర్చీల‌లో మునివేళ్ల‌పై కూర్చొనేలా చేసే స‌స్పెన్స్‌తో న‌డిచే ఈ చిత్రం తెలుగు, క‌న్న‌డ భాష‌ల్లో ఏక కాలంలో రూపొందుతోంది. 'పీఎస్‌వీ గ‌రుడ‌వేగ' ఫేమ్ అంజి సినిమాటోగ్రాఫ‌ర్‌గా ప‌నిచేస్తున్న ఈ థ్రిల్ల‌ర్‌కు సురేష్ బొబ్బిలి సంగీతం స‌మ‌కూరుస్తున్నారు.
తారాగ‌ణం:
దీక్షిత్ శెట్టి, రాజా ర‌వీంద్ర, అర్చ‌నా కుమార్‌, శ్వేతా వ‌ర్మ