తిరుపతి,   నవంబరు 15
తిరుచానూరు శ్రీ పద్మావతి అమ్మవారి బ్రహ్మోత్సవాల సందర్భంగా టిటిడి బోర్డు సభ్యులు, చంద్రగిరి ఎమ్మెల్యే, తుడ ఛైర్మన్ ప్రభుత్వ విప్  డా. చెవిరెడ్డి భాస్కర్రెడ్డి ఆదివారం పట్టువస్త్రాలు సమర్పించారు. ముందుగా ఆలయం వద్దకు చేరుకున్న డా. భాస్కర్రెడ్డికి ఆలయ అధికారులు సంప్రదాయబద్ధంగా స్వాగతం పలికి దర్శన ఏర్పాట్లు చేశారు.  ఈ సందర్భంగా డా. భాస్కర్రెడ్డి మీడియాతో మాట్లాడుతూ శ్రీ పద్మావతి అమ్మవారి  బ్రహ్మోత్సవాల్లో గజ వాహనం సందర్భంగా తుమ్మలగుంటలోని శ్రీ కల్యాణ వేంకటేశ్వరస్వామివారి ఆలయం నుంచి పట్టువస్త్రాలను ఆనవాయితీగా సమర్పిస్తున్నట్టు తెలిపారు. తుమ్మలగుంట నుంచి తిరుచానూరుకు పాదయాత్రగా వచ్చి పట్టువస్త్రాలు సమర్పించామని తెలియజేశారు.  ఈ కార్యక్రమంలో ఆలయ డెప్యూటీ ఈవో  ఝాన్సీరాణి, ఆగమ సలహాదారు  శ్రీనివాసాచార్యులు, ఏఈవో  సుబ్రమణ్యం ఇతర అధికారులు పాల్గొన్నారు.