లక్నో నవంబర్ 20, 
ఉత్తర్ ప్రదేశ్ లోని ప్రతాప్ ఘడ్ లో గురువారం అర్ధరాత్రి జరిగిన ఘోర రోడ్డు ప్రమాదంలో ఆరుగురు పిల్లలతో సహ పద్నాలుగు మంది దుర్మరణం పాలయ్యారు. ప్రయాగ్ రాజ్ – లక్నో రహాదారిపై దేశ్రాజ్ ఈనారా ప్రాంతంలో మృతులు ప్రయాణిస్తున్న కారు ఒక లారీని వెనకనుంచి ఢికొనడంతో ఘటన జరిగింది. లారీ టైరు పంచరు కావడంతో రోడ్డు పక్కన ఆపివుంచారు. ఆ లారీని మహింద్రా బోలెరో వెనుకనుంచి బలంగా ఢికొట్టింది.  కారు ముందుభాగం లారీకిందకు దూసుకుపోయింది.  సమీప గ్రామం కుంద లో జరిగిన ఒక వివాహ వేడుకకు హజరయిన వారంతా కారులో తిరిగివస్తుండంగా ఈ ప్రమాదం జరిగింది.