నెల్లూరు జిల్లా కావలి గ్రామీణ ప్రాంతంలోని తాళ్లపాలెం, కోట అడవి గ్రామాలలో కోడిపందాలు జరుగుతున్నట్లు సమాచారంతో, రూరల్ పోలీసులతో, శిక్షణలో ఉన్న ఐపిఎస్ అధికారి మహేశ్వర్ రెడ్డి ఆధ్వర్యంలో కోడిపందాలు ఆడుతున్న ప్రాంతాలలో గురువారం దాడులు నిర్వహించారు. ఈ దాడులలో 27  ద్విచక్ర వాహనాలు, 10 పందెం కోళ్ళు, 10 సెల్ ఫోన్లు, 40 వేల 300 వందల రూపాయలు నగదు స్వాధీనం చేసుకున్నారు. ఈ సందర్భంగా ట్రైనింగ్ లో ఉన్న ఐపీఎస్ మహేష్ రెడ్డి మాట్లాడుతూ తాళ్లపాలెం ఏం మరియు కోట అడవి గ్రామాలలో కోడిపందాలు ఆడుతున్నట్లు వచ్చిన సమాచారం మేరకు ఈ దాడులు నిర్వహించడం జరిగిందని చెప్పారు. ఈ కోడి పందాలు ఆడుతున్న 10 మంది పందెం ఆడుతున్న నిందితులను అదుపులోకి తీసుకోవడం జరిగిందన్నారు. విచారణ అనంతరం పూర్తి వివరాలు వెల్లడించేందుకు అవకాశం ఉందని ఆయన తెలియజేశారు. ఈ కార్యక్రమంలో కావలి రూరల్ పోలీసులు, ట్రైనీ ఐపీఎస్ మహేశ్వర్రెడ్డి, పోలీసు సిబ్బంది తదితరులు పాల్గొన్నారు.