తెలుగులో ‘కాంచనమాల కేబుల్ టీవీ’ సినిమాతో పరిచయమైన లక్ష్మీరాయ్ ఇప్పుడు రాయ్ లక్ష్మీగా మారిన సంగతి తెలిసిందే. తెలుగులో పెద్దగా అవకాశాలు రాకపోవడంతో తమిళ ఇండస్ట్రీకి వెళ్లిన ఈ భామ అక్కడ తన అందచందాలతో అవకాశాలను బాగానే సొంతం చేసుకుంది. ఆమె నటించిన పలు సినిమాలో తెలుగులోకి అనువాదమై మంచి ఫలితాలు కూడా పొందాయి. ఆమె ఇటీవల బాలీవుడ్‌లో కూడా అడుగుపెట్టింది. ‘జూలీ 2’ సినిమాతో తన హాట్ అందాలను ప్రదర్శించింది. అయితే, అక్కడా అమ్మడికి లక్ కలిసి రాలేదు. అయితేనేం, ఆమె ఇప్పుడు మలయాళం రంగంలోకి అడుగుపెట్టి.. మమ్మూటి పక్కన నటించే ఛాన్స్ సొంతం చేసుకుంది. ఒకప్పుడు బొద్దుగా ఉన్న ఈ అమ్మడు.. ఇప్పుడు కాస్త సన్నబడింది.