డర్టీ హరీ సినిమా రిలీజ్‌కు ముందే చిక్కుల్లో పడుతోంది. ఇప్పటికే ఈ సినిమా నుంచి విడుదలైన పోస్టర్లపై అనేక విమర్శలు వస్తున్నాయి. ఒక‌ప్పుడు క్లాసిక్ చిత్రాల‌ని తెర‌కెక్కించిన ద‌ర్శ‌కుడు ఎంఎస్ రాజు ప్ర‌స్తుతం డ‌ర్టీ హ‌రి అనే రొమాంటిక్‌ చిత్రం చేస్తున్న సంగ‌తి తెలిసిందే. ఈ జనరేషన్‌కు తగ్గట్టుగా ఓ బోల్డ్‌, డర్టీ కథాంశంతో చిత్రాన్ని రూపొందిస్తున్నాడు. అయితే కొద్ది రోజులుగా చిత్రానికి సంబంధించి ఒక్కో పోస్ట‌ర్ విడుద‌ల చేస్తూ మూవీపై ఆస‌క్తి క‌న‌బ‌రుస్తున్నారు. తాజాగా ఈ సినిమాకు సంబంధించి మరో పోస్టర్ విడుదలైంది.ఈ పోస్టర్లో హీరో టవల్ చుట్టుకొని.. హీరోయిన్ బెడ్ షీట్ కప్పుకొని హాఫ్ న్యూడ్‌గా ఉంది. ఈ పోస్టర్ వెంకటగిరి ప్రాంతంలోని మెట్రో ఫిల్లర్ పై అతికించారు. ఈ సినీ పోస్టర్ల పై కేసు నమోదు చేశారు పోలీసులు. సినీ నిర్మాత పై కేసు నమోదు చేశారు.స్త్రీ గౌరవాన్ని అవమానించేలా...యువతను తప్పుదోవ పట్టించే రీతిలో డర్టీ హరీ సినిమా పోస్టర్లు ఉన్నాయని సినీ నిర్మాత శివరామకృష్ణ తో పాటు పబ్లిషింగ్ ఏజెన్సీలపై సుమోటో కేసు నమోదు చేశారు జూబ్లీ హీల్స్ పోలీసులు.ఇటీవ‌ల హీరో పాత్ర‌ధారి శ్ర‌వ‌ణ్ రెడ్డి లుక్‌తో పాటు వ‌సుదేవ పాత్ర పోషిస్తున్న రుహానీ శ‌ర్మ లుక్ రివీల్ చేశారు. జాస్మిన్ పాత్ర పోషిస్తున్న సిమ్ర‌త్ కౌర్ పోస్ట‌ర్ విడుద‌లైంది. ఇందులో సిమ్ర‌త్ చాలా హాట్‌గా క‌నిపించింది. వీటిపై కూడా పలువురు అభ్యంతరాలు వ్యక్తం చేశారు. ఎంఎస్‌ రాజు దర్శకత్వంతో రూపొందుతున్న ఈ సినిమాను ఎస్పీజే క్రియేషన్స్‌ బ్యానర్‌పై గూడూరు శివరామకృష్ణ సమర్పణలో గూడూరు సతీష్ బాబు, గూడూరు సాయి పునీత్‌లు నిర్మిస్తున్నారు. ఈ సినిమాను ఈనెల 18న విడుదల చేసేందుకు మూవీ టీం రెడీ అవుతోంది.