శ్రీవారి దర్శన టికెట్లు లేని భక్తులను అలిపిరి వద్ద  తిరుమల కు వెళ్లకుండా టీటీడీ అధికారులు అడ్డుకున్నారు.  దీంతో భక్తులు రోడ్డుపై బైఠాయించి తిరుమలకు అనుమతించాలని ఆందోళనలు చేపట్టారు. శ్రీవారి దర్శన టికెట్లు ఉన్న వారిని మాత్రమే తిరుమలకు అనుమతిస్తున్నారన్న సమాచారం చాలా మంది భక్తులకి  తెలియకపోవడంతో వైకుంఠ ఏకాదశి పర్వదినాన్ని పురస్కరించుకుని అనేక మంది భక్తులు తిరుమలకు వెళ్లేందుకు అలిపిరి వద్దకుచేరుకున్నారు.  అయితే టికెట్లు ఉన్న వారిని మాత్రమే తిరుమల కు అనుమతిస్తునామని టికెట్లు  లేకుంటే అనుమతించు లేవని టిటిడి అధికారులు తేల్చి చెప్పారు.  దీంతో భక్తులు ఆగ్రహించి తమకు ఎలాంటి సమాచారం అందలేదని అందుకే తాము శ్రీవారి దర్శనానుకి  వచ్చామని సుదూర ప్రాంతాల నుంచి వచ్చిన తమను ఇప్పుడు తిరుమల అనుమతించకపోతే ఎలా అని ప్రశ్నించారు. తమకు ఉచిత దర్శన టికెట్లు ఇచ్చి తిరుమలకు  అనుమతించాలని కోరారు.