న్యూఢిల్లీ, డిసెంబర్ 24  
తెలంగాణ పీసీసీ అధ్యక్షుడి పేరు త్వరలోప్రకటించే అవకాశం కనిపిస్తోంది. దాదాపుగా ఇప్పటికే ఓ నాయకుడి పేరును అధిష్టానం ఖరారు చేసిందని వార్తలు వస్తున్నాయి. పీసీసీ చీఫ్ రేసులో రేవంత్ రెడ్డి, భట్టి విక్రమార్కతో పాటు ఎంపీ కోమటిరెడ్డి పేర్ల బలంగా వినిపించాయి. పలువురు నేతలు ఢిల్లీ వెళ్లి హైకమాండ్‌తో ఇదే విషయమై చర్చలు జరిపారు. తాజాగా ఎంపీ కోమటిరెడ్డి వెంకట రెడ్డి సైతం మరోసారి ఢిల్లీ వెళ్లారు. అయితే అధిష్టానం రేవంత్ రెడ్డి పేరు ఖరారు చేసినట్లు సమాచారం.అటు ఢిల్లీలోనూ.. ఇటు హైదరాబాద్‌లోనూ రేవంత్ పేరే ప్రముఖంగా వినపడుతోంది. పదే పదే ఢిల్లీ వెళ్లిన కోమట్ రెడ్డి వెంకట్ రెడ్డిని తాజాగా పిలిపించుకుని అధిష్టాని ఇదే విషయం చెప్పినట్లు సమాచారం. పీసీసీ అధ్యక్ష పదవికోసం తీవ్రంగా పోటీపడిన కోమటిరెడ్డికి సీడబ్ల్యూసీ మెంబర్ షిప్ ఇస్తున్నట్లు తెలియవచ్చింది. అలాగే ఆయనకు మరికొన్ని పనులు కూడా ఫేవర్ చేస్తారని చెబుతున్నారు. ఆ విధంగా ఆయనకు నచ్చజెప్పారని.. ఇక అధికారికంగా రేవంత్ రెడ్డిని టీపీసీసీ అధ్యక్షుడిగా ప్రకటించడమే ఆలస్యమని తెలుస్తోంది. అంతేకాకుండా రేవంత్ రెడ్డికి పీసీసీ చీఫ్ పదవి ఇవ్వొద్దని బలంగా తమ వాదన వినిపిస్తున్న సీనియర్లను సైతం అధిష్టానం నచ్చచెప్పినట్లు సమాచారం. అంతేకాకుండా రాహుల్ గాంధీ కూడా రేవంత్‌ పేరును ఖరారు చేసినట్లు సమాచారంఅయితే మరో వైపు కొందరు సీనియర్లు మాత్రం ఇతర పార్టీల నుంచి వచ్చిన వారికి టీపీసీసీ పదవి ఇవ్వొద్దని అంటున్నారు.రేవంత్ రెడ్డి టీడీపీని వీడి తెలంగాణలోకి వచ్చిన విషయం తెలిసిందే. అయితే ఆయన రాకతో పార్టీ కాస్త బలపడింది. కాంగ్రెస్ పార్టీ నుంచి మల్కాజ్‌గిరి ఎంపీగా ఆయన పోటీ చేసి గెలుపొందారు. ఆర్థికంగా కూడా బలంగా ఉన్న వ్యక్తి. అయితే కాంగ్రెస్‌ పార్టీలో రేవంత్ మాత్రం జూనియర్. మరి ఈ విషయంలో సీనియర్ల అలిగే అవకాశం ఉంది. అంతేకాకుండా ఇప్పటికే పలువురు నేతలు పక్క చూపులు చూస్తున్నారు. కొందరు ప్రత్యామ్నాయ పార్టీల్లో చేరుతున్నారు. మరి ఈ పరిస్థితుల్లో పీసీసీ చీఫ్‌గా పార్టీ వ్యవహారాల్ని రేవంత్ ఏ విధంగా చక్కబెడతారో చూడాలి.