అనంతపురం జిల్లా గార్లదిన్నె సమీపం లోని 44వ జాతీయ రహదారిపై ఘోర రోడ్డు ప్రమాదం చోటు చేసుకుంది. ఆగి ఉన్న లారీని ఓ కారు ఢి కొనడంతో నలుగురు అక్కడికక్కడే మృతి చెందా రు.మృతులందరూ బెంగుళూరుకు చెందిన ఒకే కుటుంబ సభ్యులుగా గుర్తించారు.బెంగుళూరు నగరానికి చెందిన శ్రీధర్, అతని భార్య అర్చన కుమార్తె అలకనంద కుమారుడు అనిల్ హైదరాబాద్కు బయళ్దేరారు. కారు గార్లదిన్నె సమీపంలో 44వ జాతీయ రహదారి శివారెడ్డి హోటల్ వద్దగా రాగానే ఆగి ఉన్న లారీని ఢీకొట్టింది.వేగంగా వచ్చి లారీని ఢీకొట్టడంతో కారు నుజ్జునుజ్జు అయ్యింది. అందులో ఉన్న నలుగురు అక్కడికక్కడే మృతి చెందారు. విషయం తెలుసుకున్న పోలీసులు ఘటనా స్థలానికి చేరుకున్నారు. కారులో ఇరుక్కుపోయిన మృతదేహా లను బయటకు తీశారు. మృతదేహా లను పోస్టుమార్టం నిమిత్తం అనంతపురం సర్వజన ఆసుపత్రికి తరలించి, కేసు దర్యాప్తు చేస్తున్నట్లు పోలీసులు తెలిపారు.