హైదరాబాద్, డిసెంబర్ 30, 
బిగ్ బాస్4 విన్నర్ అభిజిత్ కి ఓ లక్కీ ఛాన్స్ వచ్చింది. దర్శకుడు అనిల్ రావిపూడి తెరకెక్కిస్తోన్న ఎఫ్2 చిత్రంకి సీక్వెల్ గా ఎఫ్3. ఈ చిత్రంలో కూడా ఎఫ్2 లో నటించిన యాక్టర్స్ రిపీట్ అవుతున్నారు. విక్టరీ వెంకటేష్..యంగ్ హీరో వరుణ్ తేజ్ హీరోలుగా నటించనున్నారు. హీరోయిన్స్ తదితర వివరాలను త్వరలోనే తెలియజేయనున్నామని ప్రకటించారు కూడా. అయితే ఎఫ్2లో ఇద్దరు హీరోలతో ఫన్ ని పంచిన అనీల్ రావిపూడి ఎఫ్3లో వెంకటేష్..వరుణ్ తేజ్ లతో పాటు మరో హీరోని కూడా తీసుకోనున్నారట. అయితే ఎఫ్3లో ఎఫ్2ను మించిన కామెడీతో ప్రేక్షకులను ఎంటర్ టైన్ చేయనున్నాడట అనీల్. అయితే తెలుగు ఇండస్ట్రీలో ఏ సినిమాకు సీక్వెల్ తీసినా సరిగ్గా ఆడవు అనేది ఆనవాయితీ ఉండేది. మ‌రి దీనిని ఎఫ్ 3 బ్రేక్ చేస్తుందా అని సినీ ప్రేక్ష‌కులు ముచ్చ‌టించుకుంటున్నారు.ఇకపోతే బిగ్‌బాస్-4`.. చాలా మంది జాతకాలను మార్చింది. గతంలో జరిగిన మూడు సీజన్లు ఒకెత్తు.. ఈ సీజన్ ఒక్కటీ మరో ఎత్తు అన్నట్టుగా సాగింది. ఈ సీజన్‌లో పాల్గొన్న కంటెస్టెంట్లు గుర్తింపును మాత్రమే కాదు.. మంచి అవకాశాలను కూడా దక్కించుకుంటున్నారు. ఈ సీజన్‌లో మూడో స్థానంలో నిలిచిన సొహైల్.. హౌస్ నుంచి బయటకు రాగానే ఓ సినిమా ఛాన్స్ దక్కించుకున్నాడు. సొహైల్ సినిమాలో నటిస్తామని మెగాస్టార్ చిరంజీవి, బ్రహ్మానందం స్వయంగా ప్రకటించిన సంగతి తెలిసిందే. దాంతో సొహైల్ జాక్ పాట్ కొట్టాడని అందరూ అనుకున్నారు.కాగా టాప్ ఫైవ్ జాబితాలో చోటు సంపాదించుకోలేకపోయిన హీరోయిన్ మోనాల్.. బెల్లంకొండ శ్రీనివాస్ `అల్లుడు అదుర్స్` సినిమాలో ఐటెం సాంగ్ ఛాన్స్ ని సంపాదించిందట. అంతేనా బుల్లితెరపై కూడా సందడి చేయనుంది మోనాల్. అలాగే మరో కంటెస్టెంట్ దివి తన తర్వాతి సినిమాలో నటించబోతోందని మెగాస్టార్ చిరంజీవి స్వయంగా చెప్పారు. ఇక `ఆచార్య` సినిమాలో మెహబూబ్‌కు ఓ పాత్ర దక్కిందని తాజా సమాచారం. ఇప్పుడు `బిగ్‌బాస్-4` విన్నర్‌ అభిజిత్‌కు తాజాగా ఓ బంపరాఫర్ వచ్చిందట. వెంకటేష్‌, వరుణ్‌ తేజ్‌ హీరోలుగా అనిల్ రావిపూడి తెరకెక్కిస్తున్న `ఎఫ్3`లో ఓ పాత్రకు అభిజిత్‌ను తీసుకున్నారట. ఇదే కనుక నిజమైతే అభిజిత్ లక్కీఛాన్స్ దక్కించుకున్నట్టేనని అంటున్నారు పలువురు. మొత్తానికి బిగ్ బాస్ వీరికి బాగానే కలిసివచ్చిందనే చెప్పాలి.