హైదరాబాద్, డిసెంబర్ 31.
పాత బస్తీలో దారుణం చోటుచేసుకుంది. 16 ఏళ్ల బాలికను 60 ఏళ్ల వృద్ధుడు వివాహం చేసుకున్న సంఘటన ఆలస్యంగా వెలుగులోకి వచ్చింది. అరబ్ షేక్‌ల దురాఘాతాలు మరవకముందే ఇప్పుడు కేరళ కేటుగాళ్లు పాత బస్తీని టార్గెట్ చేశారు. అభం శుభం తెలియని ఒక పదహారు ఏళ్ల బాలికను ఆరవై ఏళ్ల వృద్ధుడు పెళ్లి చేసుకున్న ఘటన కలకలం రేపుతుంది. కేరళ కేటుగాళ్లు డబ్బుల ఆశ చూపి అమ్మాయి తలిదండ్రులను బుట్టలో వేసుకున్నాడు.పోలీసులు వెల్లడించిన వివరాల ప్రకారం.. పాతబస్తీలో తాజాగా 16 ఏళ్ల చిన్నారిని కేరళకు చెందిన అబ్దుల్ లతీఫ్, అబ్దుల్ రెహమాన్, ఫరాతుల్లా , రెహమా తుల్లా నలుగురు కలిసి పాత బస్తీలోని ఫలక్ నుమాలో ఉన్న అమ్మాయి తల్లిదండ్రులను ఆశ్రయించారు. ‘మీ కష్టాలు అన్ని తీరుస్తాం తమకి అమ్మాయిని ఇచ్చి పెళ్లి చేయాలని అబ్దుల్ లతీఫ్ కోరాడు. దీంతో బాలిక తల్లిదండ్రులకు రెండు లక్షల యాభై వేలు డబ్బులు ఇచ్చి ఒప్పందం కుదుర్చుకున్నారు. దీంతో అబ్దుల్ లతీఫ్ చెప్పినట్లుగానే డిసెంబర్ 27 తేదిన బండ్ల గూడలో తల్లిదండ్రులు మైనర్ బాలికను ఆరవై ఏళ్ల వృద్దుడు అబ్దుల్ లతీఫ్‌కి ఇచ్చి వివాహం జరిపించారు. ఈ సమయంలో సమాచారం అందుకున్న పోలీసులు సంఘటనా స్థలానికి చేరుకొని మైనర్ బాలికను రెస్క్యూ చేశారు. నిందితులను అరెస్ట్ చేశారు.