సూప‌ర్ స్టార్ ర‌జ‌నీకాంత్ న‌టించిన తాజా చిత్రం 'కాలా'. పా.రంజిత్ ద‌ర్శ‌క‌త్వం వ‌హించిన ఈ సినిమాని ర‌జ‌నీకాంత్ అల్లుడు, యువ క‌థానాయ‌కుడు ధ‌నుష్ ప్ర‌తిష్ఠాత్మ‌కంగా నిర్మించారు. నానా ప‌టేక‌ర్‌, అంజ‌లి పాటిల్‌, హ్యుమా ఖురేషి, ఈశ్వ‌రీ రావ్ త‌దిత‌రులు ఇత‌ర ముఖ్య పాత్ర‌ల్లో న‌టించిన ఈ సినిమాకి సంతోష్ నారాయ‌ణ్ సంగీత‌మందించారు. ఇదిలా ఉంటే.. ఏప్రిల్ 27న విడుద‌ల కావాల్సిన ఈ సినిమా.. త‌మిళ సినీ ప‌రిశ్ర‌మ‌లో చోటుచేసుకున్న స‌మ్మె కార‌ణంగా వాయిదా ప‌డింది. కాగా.. ఈ సినిమాని జూన్ 7న విడుద‌ల చేయ‌బోతున్న‌ట్లు చిత్ర బృందం  అధికారికంగా ప్ర‌క‌టించింది.  త‌మిళంతో పాటు తెలుగు, హిందీ, మ‌ల‌యాళ భాష‌ల్లోనూ అదే రోజున తెర‌పైకి తీసుకురానున్న‌ట్లు చిత్ర నిర్మాత ధ‌నుష్‌తో పాటు.. చిత్రాన్ని రిలీజ్ చేస్తున్న లైకా ప్రొడ‌క్ష‌న్స్ కూడా ప్ర‌క‌టించింది.