బాహుబలి సీరిస్‌తో అంతర్జాతీయ స్థాయిలో గుర్తింపు పొందిన హీరో ప్రభాస్ త్వరలో హాలీవుడ్ సినిమాలో నటిస్తున్నాడనే వార్తలు వస్తున్నాయి. అయితే, ప్రభాస్ కానీ, అతని సన్నిహితులు కానీ.. ఇప్పటి వరకు ఈ విషయాన్ని నిర్ధారించలేదు. కానీ.. ఓ హాలీవుడ్ నటుడు సోషల్ మీడియాలో చేసిన పోస్టులు చూసి ప్రభాస్ హాలీవుడ్ చిత్రం చేస్తున్నాడనే వార్తలు పుట్టుకొచ్చాయి. వాస్తవానికి ప్రభాస్ ఇప్పటి వరకు ఎలాంటి హాలీవుడ్ సినిమాకు సైన్ చేయలేదు. ప్రస్తుతం ‘సాహో’ సినిమా షూటింగులో బిజీగా ఉన్నాడు. అయితే, హాలీవుడ్ చిత్రం ‘బ్లాక్ ఫాంథర్’ నటుడు విన్స్‌టన్ డ్యూక్ ఇటీవల ‘బాహుబలి’ సీరిస్‌ను చూశాడు. అనంతరం ఆ సినిమా ఫొటోలు షేర్ చేసి ప్రభాస్‌పై ప్రశంసలు కురిపించాడు. దీంతో ప్రభాస్ ‘బ్లాక్ ఫాంథర్’ సీక్వెల్ ‘బ్లాక్ పాంథర్ 2’లో నటిస్తున్నాడనే వార్తలు బయటకు వచ్చాయి. దీనిపై ఆ సినిమా దర్శకుడు రైన్ గోగ్లర్ ఎలాంటి స్పష్టత ఇవ్వలేదు. ఒక వేళ ప్రభాస్‌కు అందులో అవకాశం వస్తే.. హాలీవుడ్‌లో పాగా వేయడం గ్యారెంటీ. ఎందుకంటే.. సూపర్ హీరో సినిమాలు తీసే ‘మార్వెల్ స్టూడియోస్’ సంస్థ ఆయా సినిమాల సీక్వెల్స్‌లో అవే క్యారెక్టర్లతో అద్భుతాలు చేయిస్తుంటుంది. సో, ప్రభాస్‌కు తప్పకుండా అవకాశం రావాలని కోరుకుందాం. ఆల్ ది బెస్ట్ ప్రభాస్.