పశ్చిమ గోదావరి జిల్లా పాలకొల్లు గత సంవత్సరం సంక్రాంతి కి  అల్లు అర్జున్ పాలకొల్లు వచ్చినప్పుడు శ్రీ క్షీరా రామలింగేశ్వర స్వామి దర్శించుకుని 18 లక్షల రూపాయలతో గోసాల,మరియు రధ శాల  నిర్మాణానికి ఇస్తానని   స్వామివారికి మొక్కు కున్నారు. ఈ నేపధ్యంలో శుక్రవారం నాడు  18 లక్షల రూపాయలు చెక్కును  ఆలయ కార్య నిర్వహణ అధికారి యల్ల సూర్యనారాయణ చేతికి అందించారు. బన్నీ తరపున నిర్మాత బన్నీ వాసు ఈ విరాళం అందించారు. స్వామి వారి సన్నిధిలో గోశాల భూమి పూజ కార్యక్రమం లో పాలకొల్లు ప్రముఖులతో పాటు ప్రముఖ సినీ నిర్మాత బన్నీ వాసు పాల్గొన్నారు. ఈ కార్యక్రమంలో అల్లు రాధాకృష్ణ దంపతులు పూజా కార్యక్రమం నిర్వహించారు. ఈ సందర్భంగా బన్నీవాసు మాట్లాడుతూ పాలకొల్లు వచ్చినప్పుడు అల్లు అర్జున్ ఆలయ అభివృద్ధికి 10 లక్షలు విరాళం ప్రకటించారు ఆలయ అధికారులు గోశాల, రధ శాల దృష్టి తీసుకురాగా ఇంకో 8 లక్షలు కలిపి 18 లక్షలు రూపాయలు ఇచ్చారని    గోశాల నిర్మాణం  పూర్తి అయిన వెంటనే ప్రారంభోత్సవానికి అల్లు అర్జున్ ని తీసుకు వస్తానని తెలిపారు.