ప‌లు బ్లాక్‌బ‌స్ట‌ర్ ఫిలిమ్స్ అందించిన ప్ర‌తిష్ఠాత్మ‌క నిర్మాణ సంస్థ మెగా సూప‌ర్ గుడ్ ఫిలిమ్స్ 2021లో త‌న తొలి చిత్రంతో తెలుగులోకి తిరిగి వ‌స్తోంది. ప్ర‌స్తుతం ప‌లు చిత్రాల‌తో బిజీగా మారిన యంగ్ హీరో తేజ స‌జ్జా ఈ చిత్రంలో క‌థానాయ‌కుడిగా న‌టించ‌నుండ‌గా, ప్రియా ప్ర‌కాష్ వారియ‌ర్ నాయిక‌గా న‌టించ‌నున్నారు. య‌స్‌.య‌స్‌. రాజు ద‌ర్శ‌క‌త్వం వ‌హించే ఈ చిత్రానికి ఆర్‌.బి. చౌద‌రి స‌మ‌ర్ప‌కులుగా వ్య‌వ‌హ‌రిస్తుండ‌గా, ఎన్వీ ప్ర‌సాద్‌, పార‌స్ జైన్‌, వాకాడ అంజ‌న్ కుమార్ నిర్మించ‌నున్నారు. ఈ చిత్రానికి 'ఇష్క్' అనే టైటిల్ ఖ‌రారు చేశారు. "నాట్ ఎ ల‌వ్ స్టోరీ" అనేది ట్యాగ్‌లైన్‌. టైటిల్ ప్ర‌కారం ఈ మూవీ  రొమాంటిక్ ఎంట‌ర్‌టైన‌ర్ అనే అభిప్రాయం క‌లుగుతుండ‌గా, ట్యాగ్‌లైన్ మ‌రో అభిప్రాయాన్ని క‌లిగిస్తూ ఆస‌క్తిని రేకెత్తిస్తోంది.
ఇండ‌స్ట్రీలోని ప్ర‌తిభావంతులైన టెక్నీషియ‌న్లు ఈ చిత్రానికి ప‌నిచేస్తున్నారు. మ‌హ‌తి స్వ‌ర‌సాగ‌ర్ సంగీత బాణీలు స‌మ‌కూరుస్తుండ‌గా, శ్యామ్ కె. నాయుడు సినిమాటోగ్రాఫ‌ర్‌గా ప‌నిచేస్తున్నారు. శ్రీ‌మ‌ణి పాట‌లు రాస్తున్నారు. ఎ. వ‌ర‌ప్ర‌సాద్ ఎడిట‌ర్‌గా, విఠ‌ల్ కొస‌నం ఆర్ట్ డైరెక్ట‌ర్‌గా వ‌ర్క్ చేస్తున్నారు.త్వ‌ర‌లో మ‌రిన్ని వివ‌రాల‌ను చిత్ర బృందం వెల్ల‌డించ‌నుంది.
హీరో హీరోయిన్లు: తేజ స‌జ్జా, ప్రియా ప్ర‌కాష్ వారియ‌ర్‌