ఎన్నికలరోల్ అబ్జర్వర్ శోభ ఐఏఎస్ ఓటర్ల జాబితాను పరిశీలించారు.
సోమవారం నంద్యాల తహసిల్దార్ గారి కార్యాలయంలో ఎన్నికల రోల్ అబ్జర్వర్ శ్రీమతి శోభ ఐ ఏ ఎస్ నంద్యాల సబ్ కలెక్టర్ శ్రీమతి కల్పనా కుమారి .ట్రైనీ అసిస్టెంట్ కలెక్టర్  నిధి  మీనా .ఇఆర్ ఓ. అనురాధ లతో కలిసి ఓటర్ జాబితా ను పరిశీలించారు.
అనంతరం ఎన్నికల రోల్ అబ్జర్వర్ శ్రీమతి శోభ ఐ ఏ ఎస్( గిరిజన కార్పొరేషన్ వైస్ చైర్మన్ మరియు మేనేజింగ్ డైరెక్టర్) మాట్లాడుతూ సోమవారం నంద్యాల తాసిల్దార్ కార్యాలయంలో నంద్యాల నియోజకవర్గం (139)లోని ఓటర్ల జాబితాను పరిశీలించడం జరిగిందని తెలిపారు.  అలాగే ఫారం 6.7.8.8ఏ తదితర ఓటర్ల జాబితాలో మార్పులు చేర్పులు వాటిని కూడా పరిశీలించామని అన్నారు. అన్ని సంతృప్తికరంగా ఉన్నాయని ఆమె అన్నారు. ఓటర్ల తుది జాబితా ఈనెల 15వ తారీఖున వెలువడుతుందని అన్నారు.
ఈ కార్యక్రమంలో నంద్యాల తహసిల్దార్ రవికుమార్ ఎన్నికల డిప్యూటీ తాసిల్దార్ రామనాథ్ రెడ్డి తదితరులు పాల్గొన్నారు.