శివాజీ రాజా  అబ్బాయి విజయ్ రాజా , తమన్నా వ్యాస్ హీరో హీరోయిన్ గా రామ్స్ రాథోడ్ దర్శకత్వంలో జామి లక్ష్మీ ప్రసన్న సమర్పణలో,జయ దుర్గ దేవి మల్టీ మీడియా పతాకం పై తూము నరసింహ పటేల్ మరియు జామి శ్రీనివాసరావు లు నిర్మిస్తున్న "వేయి శుభములు కలుగు నీకు". ఈ చిత్రం ఇటీవలే గోవా లో చివరి షెడ్యూల్ పూర్తి చేసుకుని నిర్మాణాంతర కార్యక్రమాలలో బిజీ గా ఉంది. అన్ని కార్యక్రమాలు పూర్తి చేసుకుని సమ్మర్ లో ఈ చిత్రాన్ని విడుదల చేయటానికి సన్నాహాలు చేస్తున్నారు.
నిర్మాత తూము నరసింహ పటేల్ మాట్లాడుతూ "మా చిత్రానికి అద్భుతమైన టెక్నిషన్స్ పని చేసారు. సినిమా చాలా బాగా వస్తుంది. ఇటీవలే గోవా లో పాటలు చిత్రీకరించాం" అని తెలిపారు
మరో నిర్మాత జామి శ్రీనివాస రావు మాట్లాడుతూ "వెయ్యి శుభములు కలుగు నీకు సినిమా టాకీ అంత పూర్తి అయ్యింది. ఇటీవలే గోవా లో చివరి షెడ్యూల్ పూర్తిచేసుకున్నాం. ప్రస్తుతం దుబ్బింగ్ మరియు పోస్ట్ ప్రొడక్షన్ వర్క్ లు జరుగుతున్నాయి. అన్ని కార్యక్రమాలు పూర్తి చేసుకుని సమ్మర్ లో ఈ చిత్రాన్ని విడుదల చేయటానికి సన్నాహాలు చేస్తున్నాం " అని తెలిపారు.
దర్శకుడు రామ్స్ రాథోడ్ మాట్లాడుతూ "నాకు ఈ సినిమా అవకాశం ఇచ్చిన  మా ఇద్దరు నిర్మాతలు తూము నరసింహ పటేల్ గారు మరియు జామి శ్రీనివాస రావు గారికి నా ధన్యవాదాలు. ఎక్కడ రాజీ పడకుండా చిత్రాన్ని నిర్మిస్తున్నారు. మా చిత్రానికి సంగీత దర్శకుడు గ్యాని  సింగ్ మంచి పాటలు అందించారు. చిత్రీకరణ కూడా చాలా బాగా వచ్చింది. అందమైన లొకేషన్స్ లో అద్భుతమైన నటి నటులతో మా సినిమా ని చిత్రకరించాం. చిత్రీకరణ పూర్తి అయ్యింది, నిర్మాణాంతర కార్యక్రమాలలో బిజీ గా ఉన్నాము. త్వరలో అద్భుతమైన సినిమా ని ప్రేక్షకుల ముందు కి తీసుకువస్తాము" అని తెలిపారు.