రాష్ట్రంలో సైబర్ నేరాల నివారణకు రాష్ట్ర ప్రభుత్వం ఆంధ్రప్రదేశ్ సైబర్ సెక్యూరిటీ పాలసీ-2017ను గతేడాది అమల్లోకి తీసుకొచ్చింది. దీనిలో భాగంగా ఈ పాలసీని సమర్థవంతంగా అమలు చేయడానికి ఆంధ్రప్రదేశ్ సైబర్ సెక్యూరిటీ ఆపరేషన్స్ సెంటర్(ఏపీసీఎస్సీఓసీ)ను ప్రారంభించనుంది. ఈ కేంద్రాన్ని ఈ నెల 23వ తేదీ సాయంత్రం 4 గంటలకు సీఎం నారా చంద్రబాబునాయుడు తన నివాసం సమీపంలో ఉండవల్లిలోని కరకట్టవద్ద ఉన్న గ్రీవెన్స్ హాలులో ప్రారంభించనున్నారని రాష్ట్ర ఐటీ శాఖ ముఖ్య కార్యదర్శి ఒక ప్రకటనలో తెలిపారు.