న్యూఢిల్లీ, జనవరి 28, 
మాజీ ఉప-రాష్ట్రపతి హమీద్ అన్సారీ తన తాజా పుస్తకం ‘బై మెనీ ఏ హ్యాపీ యాక్సిడెంట్స్’‌లోప్రధాని నరేంద్ర మోదీ గురించి ఆసక్తికర విషయాలను వెల్లడించారు. తాను రాజ్యసభ ఛైర్మన్‌గా ఉన్నప్పుడు సభలో ఎందుకు బిల్లులు ఆమోదించడం లేదని మోదీ ఓ సారి సంభాషణల సందర్భంగా అడిగారని మాజీ దౌత్యవేత్త అన్నారు. ‘యూపీఏ, ఎన్డీయే రెండూ అసంతృప్తిగా ఉన్నాయి.. కానీ, బీజేపీ సంకీర్ణం లోక్‌సభలో దాని మెజారిటీ రాజ్యసభలో విధానపరమైన అవరోధాలను అధిగమించే నైతిక హక్కును ఇచ్చింది.. దాని వ్యక్తీకరణ నాకు అధికారికంగా తెలియజేశారు.. అసాధారణంగా, ఒక రోజు ప్రధానమంత్రి మోదీ రాజ్యసభలోని నా కార్యాలయానికి షెడ్యూల్ లేకుండా వచ్చారు’ అని వ్యాఖ్యానించారు.‘మోదీ రాకతో నేను ఆశ్చర్యపోయాను.. తరువాత ఆతిథి మర్యాదలు చేశాను.. ఈ సమయంలో ‘మీ ఉన్నత బాధ్యతలపై చాలా అంచనాలు ఉన్నాయి కానీ మీరు నాకు సహాయం చేయడం లేదు అన్నారు.. రాజ్యసభలో, వెలుపల నా పని ప్రజా క్షేమం అని చెప్పాను. ‘సభలో బిల్లులు ఎందుకు ఆమోదించడం లేదు?’ అని అడిగారు’ అని అన్సారీ పేర్కొన్నారు.మోదీ ప్రభుత్వం, ప్రధానితో అంతంత మాత్రంగానే ఉన్న సంబంధాలను తన పుస్తకంలో ప్రస్తావించారు. రాజ్యసభలో ఉపరాష్ట్రపతిగా తనకు వీడ్కోలు సందర్భంగా ఎదురైన అసాధారణ అనుభవాన్ని వివరించారు. ‘మీ వృత్తి జీవితంలో చాలా భాగం పశ్చిమ ఆసియాలోనే గడిచింది ... అదే వాతావరణం, చర్చలో... పదవీ విరమణ తరువాత, మైనారిటీ కమిషన్ లేదా ఏఎంయూ మీ పరిధి’అని వ్యాఖ్యానించార. ఇటీవలి సంవత్సరాలలో భారత సంతతి ‘ప్రజాస్వామ్యం, అధికారవాదం, జాతీయవాదం, మెజారిటీవాదం’తో మాట్లాడుతుంది అన్నారు. ‘నేషనల్ ముస్లిం కమిషన్ ఛైర్మన్ హోదాలో మోదీ గుజరాత్ సీఎంగా ఉన్నప్పుడు 2007 తొలినాళ్లలో కలిశారు. సాధారణ మర్యాదపూర్వక సంభాషణ తరువాత, నా మనసులో కొన్ని ప్రశ్నలు ఉన్నాయని చెప్పాను.. 2002లో జరిగిన గోద్రా అల్లర్ల అనంతర సంఘటనలను ప్రస్తావించాను.. అది జరగడానికి ఎందుకు అనుమతించారని అడిగాను.ప్రజలు ఈ విషయంలో ఒక కోణాన్ని మాత్రమే చూస్తారని, ముఖ్యంగా ముస్లిం బాలికల విద్య కోసం తాను ప్రారంభించిన మంచి పనులపై దృష్టి పెట్టడం లేదని ఆయన సమాధానం చెప్పారు. నేను వాటి వివరాలను అడిగి, దాని గురించి ప్రచారం చేయాలని సూచించాను.. ‘అది రాజకీయంగా నాకు సరిపోదు’ అని స్పష్టంగా చెప్పారు’రాజ్యసభ ఛైర్మన్‌గా తన వైఖరిని వివరించిన అన్సారీ... బిల్లులను సభలో ఆమోదించడం, అనుమతించకపోవడంపై పార్టీ-ఏకాభిప్రాయాన్ని పరిగణనలోకి తీసుకున్నానని చెప్పారు.