తన తల్లిని శ్రీరెడ్డి దూషించడం, కొన్ని మీడియా ఛానెళ్లు పదే పదే ఆ దృశ్యాలను ప్రసారం చేయడంతో జనసేనాని నొచ్చుకున్నారు. ఉద్దేశపూర్వకంగా తన తల్లిని తిట్టించారనే భావనలో ఉన్న ఆయన ఏబీఎన్, టీవీ9, టీవీ5 ఛానెళ్ల అధిపతులు లక్ష్యంగా ట్వీట్లు పెడుతున్నారు. టీవీ9 రవి ప్రకాష్, శ్రీని రాజు, ఆంధ్రజ్యోతి రాధాకృష్ణలను టీడీపీ అనుకూల వర్గంగా పేర్కొన్న ఆయన వారిపై విమర్శలు గుప్పిస్తున్నారు. దీంతో ఈ వ్యవహారంలోకి తనను అనవసరంగా లాగినందుకు శ్రీని రాజు ఇప్పటికే పవన్ కల్యాణ్‌కు లీగల్ నోటీసులు పంపారు. శ్రీని రాజు పంపిన లీగల్ నోటీసులకు జనసేన అధినేత లేఖ ద్వారా ఘాటుగా బదులిచ్చారు. ట్విట్టర్ ఖాతాలో నేను ట్వీట్లు నా అభిప్రాయాలు. అవి నా భావ ప్రకటన స్వేచ్ఛకు సంబంధించినవని ఆయన శ్రీని రాజు లాయర్‌కు సమాధానం ఇచ్చారు.నేను చేసిన ట్వీట్‌ ఏ రకంగానూ మీ క్లయింట్‌కు వ్యతిరేకంగా లేదు. ఆయనెందుకు స్పందించారో అర్థం కావడం లేదు. మీ ద్వారా ఆయన స్పందించడం ఆశ్చర్యం కలిగించిందని పవన్ తెలిపారు