పొగమంచు కారణంగా విమానాలు ఆలస్యం
విజయవాడ ఫిబ్రవరి 24,
గన్నవరం విమానాశ్రయంలో పొగమంచు దుప్పటిలా కప్పేసింది.దట్టమైన పొగమంచు కారణంగా ల్యాండ్ అయ్యేందుకు వీలులేక బెంగుళూరు నుండి గన్నవరం విమానాశ్రయానికి వచ్చిన స్పైస్ జెట్ విమానం గాల్లో చక్కర్లు కొట్టింది. బెంగుళూరు నుండి సుమారు 50 మంది ప్రయాణికులతో గన్నవరం విమానాశ్రయానికి వచ్చిన స్పైస్ జెట్ విమానం సుమారు అరగంట పాటు 8 సార్లు చక్కర్లు అనంతరం ల్యాండ్ అయ్యేందుకు వీలులేకపోవడంతో తిరిగి హైదరాబాద్ వెళ్ళిపోయింది.హైదరాబాద్ నుండి గన్నవరం వచ్చిన ఇండిగో విమానం,ఢిల్లీ నుండి వచ్చిన మరో ఇండిగో విమానాలు ల్యాండ్ అయ్యేందుకు వీలులేక గాల్లో చక్కర్లు కొడుతున్నాయి. అయితే 10 గంటల వరకు ల్యాండ్ అయ్యేందుకు వీలుపడే పరిస్థితి నెలకొంది.