న్యూఢిల్లీ మార్చ్4 
ఎంప్లాయీస్ ప్రావిడెంట్ ఫండ్ ఆర్గ‌నైజేష‌న్ (ఈపీఎఫ్‌వో) 2020-21 సంవ‌త్స‌రానికిగాను వ‌డ్డీ రేటును ప్ర‌క‌టించింది. ఈ ఏడాదికి కూడా వ‌డ్డీ రేటును 8.5 శాతంగానే ఉంచిన‌ట్లు వెల్ల‌డించింది. 2019-20 ఏడాదికి కూడా ఇదే వ‌డ్డీ రేటు ఇచ్చిన విష‌యం తెలిసిందే. శ్రీన‌గ‌ర్‌లో జ‌రిగిన‌ ఈపీఎఫ్‌వో సెంట్ర‌ల్ బోర్డు స‌మావేశంలో ఈ నిర్ణ‌యం తీసుకున్నారు. అంత‌కుముందు 2018-19లో 8.65 శాతం ఉన్న వ‌డ్డీ రేటును గ‌తేడాది మార్చిలో ఏడేళ్ల క‌నిష్ఠానికి (8.5 శాతం) త‌గ్గించింది. ఈ ఏడాది ఈ రేటును మ‌రింత త‌గ్గిస్తార‌ని అంచ‌నా వేసినా.. బోర్డు మాత్రం ఇందులో ఎలాంటి మార్పులూ చేయ‌లేదు.