హైదరాబాద్ మార్చి 6, 
తెలంగాణ రాష్ట్రంలో శుక్రవారం రాత్రి 8గంటల వరకు 40,712 కరోనా నిర్థారణ పరీక్షలు నిర్వహించగా.. కొత్తగా 170 పాజిటివ్ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 2,99,742కి చేరింది.  వైద్య ఆరోగ్యశాఖ శనివారం ఉదయం బులిటెన్ విడుదల చేసింది. రాష్ట్రంలో శుక్రవారం నాడు కరోనాతో ఒకరు మరణించారు. దీంతో ఇప్పటి వరకు మృతి చెందిన వారి సంఖ్య 1640కి చేరింది.  కరోనా బారి నుంచి నిన్న 196 మంది కోలుకున్నారు.  దీంతో ఇప్పటివరకు కోలుకున్న బాధితుల సంఖ్య 2,96,166కి చేరింది. రాష్ట్రంలో ప్రస్తుతం 1,936 యాక్టివ్ కేసులు ఉన్నాయని, వారిలో 812 మంది హోం ఐసోలేషన్లో చికిత్స పొందుతున్నారని వైద్య ఆరోగ్యశాఖ వెల్లడించింది.  జీహెచ్ఎంసీ పరిధిలో తాజాగా 28 మందికి కరోనా పాజిటివ్ నిర్ధారించారు.  తెలంగాణలో ఇప్పటి వరకు 89,24,007 మందికి కరోనా పరీక్షలు కి నిర్వహించారు.